Zerrenda hauetan, jendaurrean jarriko dira hautaketa-prozesuan parte
hartzeko onartu diren eta bazter utzi diren pertsonen izenak.
Eskabideak
aurkezteko epea amaitzen denetik hogei (20) egun balioduneko epearen
barruan (igandeak eta jai-egunak ez dira zenbatzen), jendaurrean jarriko
dira onartutakoen eta bazter utzitakoen behin-behineko zerrendak. Zerrendok
Euskal Herriko Agintaritzaren Aldizkarian argitaratuko dira; web honetan
ere kontsultatu ahal izango dira.
Begira
ezazu onartutakoen zerrendan sarturik zauden; komeni da. Onartutakoen
zerrendarekin batera, bazter utzitakoen zerrenda ere argitaratuko da,
bazter uzteko arrazoiak aldean daramatzala. Bazter utzitakoen zerrendan
agertzekotan, 10 egun balioduneko epea duzu erreklamazioa egiteko.
Aurkeztutako
erreklamazioak aztertuta, jendaurrean jarriko dira onartutakoen eta
bazter utzitakoen behin betiko zerrendak, bai HAEEko egoitzetan, bai
web honetan. Begira ezazu onartutakoen behin betiko zerrendan zauden;
izan ere, zerrenda hori erabiliko da azterketa egiteko unean.
Onartutakoen
eta bazter utzitakoen behin betiko zerrenda onartutakoan, azterketa
teorikoa prestatzeko balio izango duten galderen ale bat bidaliko zaie
onartutako izangai guztiei.
Onartutakoen
eta bazter utzitakoen behin betiko zerrendarekin batera, lehenengo azterketa
non eta noiz egingo den adieraziko da. Beraz, garrantzitsua da zerrenda
kontsultatzea, batetik, hautaketa-prozesuan onartuta zauden ziur jakiteko,
eta, bestetik, lehenengo azterketaren eguna eta lekua jakiteko.
