EAEko kontinenteko plataformako habitatak eta itsas hondoak

EAEko kontinenteko plataformako habitaten eta itsas hondoak ezaugarritzearen kartografia, 1:10.0000 eskalan (2009. urtea). Proiektuaren helburua da EAEko plataforma kontinentalaren gainean dauden itsas habitaten identifikazioan eta karakterizazioan aurrera egitea; horrela, Europako Erkidegoko Habitat Zuzentarauak ezarritako helburu eta epeak bete ahal izango dira.

LEINUA: Euskal plataforma kontinentalaren hondo bereizgarrien tipologia-katalogoa garatzeko orduan, informazio batimetrikoa eta erreflektibitate akustikoa hartu dira oinarritzat. Informazio hori, hainbat proiektutan bildutako jalkin-laginen inbentarioarekin eta 2009an lortutako laginekin batera, interpretatu ondoren, mapa morfosedimentarioa sortu da. Informazio hori funtsezkoa da itsas hondoan gertatzen diren prozesu ozeanografikoak aztertzeko, habitatak zehaztu eta lokalizatzeko, bai eta kostaldea modu integratuan kudeatzeko ere. EUNIS sailkapenaren arabera habitat bentonikoak sailkatzeko beharrezko ingurumen-informazio geruza guztiak txertatu dira. Honako faktore hauek hartu dira kontuan: ozeanografia, sakonera eta ezaugarri sedimentologikoak. Substratu sedimentarioko espezie bentonikoen zerrendak oinarri hartuta, komunitate bakoitzeko espezie eta espezie multzo adierazgarrienak lortu ditugu.