Ohiko galderak: AAI edo AAU eskaera aurkeztea

ingurumena@euskadi.eus

Eskaera dagokion prozedurarako eskatzen diren datu eta dokumentuekin aurkeztu behar da. Dokumentazioa geroago zuzentzeko edo osatzeko aukerak ez du eskaera osoa aurkezteko betebeharra ordezten.

Administrazioak beharrezko informazio edo dokumentazioren bat falta dela ikusten badu, hura zuzentzeko eskatu ahal izango du. Eskatutako dokumentazioa espedientearen barruan eta errekerimenduan adierazitako izapidearen bidez aurkeztu beharko da.

  • Ohiko akatsa:
    • Eskaera osatu gabe aurkeztea, dokumentazio guztia geroago erantsi ahal izango dela pentsatuta. Jarduketa horren ondorioz, baliteke eskaerak beharrezko baldintzak ez betetzea eta zuzentzeko errekerimendua jasotzea.

Ez hasi beste eskaera bat zentro eta jarduketa bererako. Aurkeztu zuzenketa edo dokumentazio osagarria hasitako espedientean, dokumentazioa aurkezteko gaitutako prozeduraren bidez.

Adierazi argi zer datu edo dokumentu zuzentzen duzun, eta egiaztatu informazio berria bat datorrela eskaerako gainerako informazioarekin.

  • Ohiko akatsa:
    • Aurkeztutako eskaera zuzentzeko beste eskaera bat sortzea. Horrek espediente bikoiztuak sortzen ditu eta informazio balioduna zein den identifikatzea zailtzen du.

Desadostasunik badago, INGURUNETeko formulario elektronikoetan jasotako datuak nagusituko dira, datu horiek sartzen baitira informazio-sisteman eta erabiltzen baitira prozedura izapidetzeko.

Eskaera aurkeztu aurretik, egiaztatu INGURUNETen sartutako datuak osoak direla eta bat datozela proiektu teknikoarekin, memoriekin, planoekin eta erantsitako gainerako dokumentazioarekin. Desberdintasunik aurkitzen baduzu, zuzendu formularioak edo dokumentazioa sinatu aurretik.

  • Ohiko akatsa:
    • Informazio zuzena dokumentu erantsi batean aurkeztea eta INGURUNETeko formularioan bestelako datu bat mantentzea. Erantsitako dokumentazioak ez du formulario elektronikoak behar bezala betetzeko betebeharra ordezten.

Lehenik, egiaztatu epigrafea dagokion atalean bilatzen ari zarela, eta saiatu zerrendan aurkitzen haren izenaren zati esanguratsu bat bilaketa-eremuan idatzita.

Aplikatu beharreko epigrafea agertzen ez bada edo zerrendak ez badu hautatzen uzten, ez hautatu beste epigrafe bat prozesuarekin jarraitu ahal izateko bakarrik. Formularioak eskaera osatu eta aurkezteko aukera ematen badu, azaldu gorabehera oharren atalean, eta identifikatu zehaztasunez aplikagarritzat jotzen dituzun araua, eranskina, taldea eta epigrafea.

Gorabeherak eskaerarekin jarraitzea edo hura aurkeztea eragozten badu, jakinarazi hemen: ingurumena@euskadi.eus eta adierazi entitatea, zentroa, prozedura, eragindako pantaila edo atala eta agertzen den mezua. Erantsi pantaila-argazki bat.

  • Ohiko akatsa:
    • Proiektuari ez dagokion epigrafe bat hautatzea balidazio bat gainditzeko. Hautatutako aukerak aplikatu beharreko arau-esparrua adierazi behar du.

Azken aldaketako data: