Aseguruak: Polizaren baldintzak jaso berri ditut eta esaten dutena ez dator bat itundutakoarekin. Zer egin dezaket?

Aseguru Kontratuaren Legeak kontratua idatziz gauzatzea exijitzen du, baina horrek ez du esan nahi kontratua existitzen ez denik beronen baldintzak idazten eta izenpetzen ez diren bitartean; aitzitik, kontratuaren edukiaren dokumentu frogagarritzat hartzen da poliza.

Alderdi honek bere garrantzia dauka kasu honetan, izan ere, arauak hilabeteko epea ezartzen du poliza jaso denetik (baldintza partikularrak, orokorrak eta bereziak, baldin badaude) aseguruaren hartzaileak (gure kasuan, kontsumitzaileak) itundutakoaren eta polizan jasotakoaren artean dauden desakordioak adierazteko. Epe horretan adierazpen hori gertatzen ez bada, polizaren edukia egiazki itundutakoarekin bat datorrela ulertuko da (inor aurka agertu ez delako) eta aurrerantzean, izaera frogagarri hori edukiko du.

Horregatik, eta ahalik azkarren, pertsona horrek era frogagarrian aseguratzailearengana zuzendu behar du aurkitu dituen ‘okerrak’ zuzentzeko eskatzera. Horrela, bietako bat:

• Edo aseguratzaileak frogatuko du polizaren edukia zehazki egokitzen zaiola itundutakoari.
• Edo, ezezko kasuan eta zuzendu nahi ez badu, aseguruaren hartzaileak exijitu ahal izango du kontratua ezeztatzea.