Planak eta proiektuak

2013-2016ko Bake eta Bizikidetza Planak bere I. ekimenean ezartzen duenez, 2014an zehar ?Memoria Historikoaren arloko Lehentasunen Oinarri Programa? osatu eta aurkeztu behar zen. Txosten hau 2014ko azaroan onartu eta aurkeztu zen. Nazioarteko zuzenbidearen esparrutik abiatuta Memoria Historikoaren arloan hurrengo bi urteetarako lehentasunezko jarduketen mapa zehazten laguntzea da dokumentu honen helburua. 12 jarduketa-lerro ditu.

Aurrekoak ez ezik, badaude beste zenbait ekimen memoriari buruzko politika publikoarekin zerikusia dutenak, hala nola memoriaren eguna, maparen eguna eta tokiko beste hainbat jardun. Eusko Jaurlaritzak horiek guztiak bultzatzeko konpromisoa dauka. Nolanahi ere, memoria, zatitzeko horma izan beharrean, elkarrengana biltzeko plaza izan dadin, behar-beharrezkoa da adostasun sozio-politiko zabalak sortzea, helburuak eta edukiak zehazterakoan; horrela bakarrik lortuko dugu memoriari eustea.

Terrorismoaren Biktimen Errekonozimendu eta Babeserako Legearen 57. artikuluari jarraiki, Euskal Herrian Terrorismoaren Biktimen Oroimenezko Zentroa sortzen lagunduko du Eusko Jaurlaritzak. Zentro hori sortzea Espainiako Gobernuaren erantzukizuna da. Dena dela, Eusko Jaurlaritzaren esku-hartzea bere Fundazioaren Patronatuan parte hartuz bideratuko da.

2014ko azaroaren 27an, Eusko Legebiltzarrak Memoriaren, Bizikidetzaren eta Giza Eskubideen Institututua sortzeko 4/2014 Legea onartu zuen. Horren ondorioz, Eusko Jaurlaritzak erakunde berri hau abian jarri du 2015ean zehar. Erakunde horretan memoriari buruzko politika publikoak eta zentroen, espazioen edo ekitaldien sarearen sinergiak koordinatu eta dinamizatuko dira. Bilbon kokatuko da, Euskadiko Artxibo Historikoaren eraikinean, María Díaz de Haro kalearen 3. zenbakian.

Erakusketa honek urtean lau pelikula ematen ditu, ikusleei giza eskubideen errespetuarekin eta sustapenarekin lotutako hainbat gairi buruz pentsarazteko.