OGP Euskadi bere II. Plana egiten ari da, eta, berriz ere, ezinbestekoa da hura herritarrekin batera sortzea eta kudeatzea. Horregatik, konpromiso bakoitzak pertsona-talde bat behar du bere edukia definitzeko eta gauzatzeko, eta lerro hauetatik gonbidatu nahi zaituztegu 3. konpromiso-taldea ezagutzera eta bertan parte hartzera.
Erantsitako fitxan (PDF, 667 KB) , erakundeek zer konpromiso hartzen dugun azaltzen duen lehen zirriborro bat aurkezten dizuegu: OPEN ESKOLAren barruan, herritarren prestakuntza eta gaikuntza errazten eta sustatzen duten tresnak, mekanismoak eta ereduak eskaintzea. Helburua herritarren parte-hartzea GOBERNANZA PUBLIKOAREN eredu berrian berme osoz txertatzeko behar diren ezagutzak eta trebetasunak sortzea izango litzateke.
Idatzi honen bidez gonbidatu nahi zaituztegu konpromiso-talde honetan sartzera eta/edo uztailean (oraindik zehaztu gabe dago data) egingo dugun foro irekian parte hartzera, II. Planaren irismena egiaztatu eta doitzeko.
Liderrak diren administrazioek baliabide propioekin edo kontratatuekin egiten dituzte lanak, baina konpromiso-taldeetan kontrastatzen eta diseinatzen dira; horregatik, oso garrantzitsua da herritarrek horietan parte hartzea. Aurkezten dizugun 3. konpromisoaren taldean parte hartu nahi baduzu, edo honekin batera doakizun konpromiso-proposamenaren edukiari buruzko edozein iradokizun helarazi nahi badiguzu, guregana jo dezakezu helbide elektroniko honetara: partaidetza@gipuzkoa.eus
Mila esker!
