Vitoria-Gasteizko udalerrian babes ofizialeko 72 etxebizitza eraiki behar ditu jabetzan ARATZ 2020, S.L. sustatzaileak.
2012ko urriaren 15eko Aginduko IV Kapituluari jarraiki Arabako Lurralde Ordezkaritzak sustapen horren esleipenean parte hartzeko izena eman duten erosketako etxebizitza eskatzaileen zerrenda bat helaraziko dio sustatzaileari.
Hori dela eta, Etxebiden Araba Erdialdeko Eremu Funtzionalean etxebizitza erosteko eskaria egin baduzu eta etxebizitza horietako esleipen prozeduran parte hartu nahi baduzu espresuki adierazi beharko duzu, 2021eko abuztuaren 10a eta 2021eko irailaren 7a bitarteko epean (biak barne) aurkeztu beharreko idatzi baten bidez. Soilik parte hartu ahal izango dute eskaerak aurkezteko epea hasten denean Etxebideko erregistroan alta egoeran daudenak.
2021eko irailaren 17an web gune honetan eta Eusko Jaurlaritzako taula elektronikoan argitaratuko dira sustatzaileak notario aurrean egingo duen zozketan parte hartuko duten pertsonen zerrenda, baita parte hartuko ez duten pertsonen eta horrela gertatzeko arrazoien zerrenda ere. Halaber, zerrendei erreklamazioak aurkezteko epea zein izango den zehaztuko da.
- Eskuratze erregimena: Erosketa – Jabetza osoa
- Araubidea: Araubide orokorreko babes ofizialeko etxebizitzak
- Sustatzailea: Pribatua – ARATZ 2020, S.L
- Etxebizitza kopurua: 72. Horietako:
- 69 hiru logela eta bi bainugelakoak (90m2)
- 3 egokituak, bi logela eta bi bainugelakoak (90m2)
- Kokapena: RC-12 lursaila (13. sektorea) - Salburua
- Etxebizitzen prezioa (BEZik gabe):
- Etxebizitza + eranskinak (azalera txikienak): 176.452 €
- Etxebizitza + eranskinak (azalera handienak): 180.218 €
- Etxebizitza egokituak + eranskinak: 181.652€ - 182.564€
Esleipen prozeduran parte hartzea eskatzen baduzu eta etxebizitza bat esleitzen bazaizu, esleipenari uko eginez gero Etxebideko Erregistroan baja izango zara eta urtebetez inskribatzeko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.
Informazio gehiago eskuratzeko:
ARATZ 2020, S.L
Gamarrako atea 1, 1. solairua 112. bulegoa (Deba eraikina) – 01013 Vitoria-Gasteiz
Telefonoa: 945 12 88 87
Posta elektronikoa: maite.ibanez@sarkis.com
