Santurtzi udalerriko San Juan del Rompeolasen, erosketan (azalera eskubidean), esleituko diren etxebizitzen prozeduran parte hartzeko izena emateko epea irekiko da 2020ko uztailaren 2a eta 28a bitartean

Argitalpen-data: 

IRAGARKIA

2020ko ekainaren 26an Santurtzi udalerriko San Juan del Rompeolasen 32 babes orokorreko etxebizitza sustapena erosketan (azalera eskubidean) esleitzeko prozesuari hasiera ematen dion agindua argitaratu zen Euskal Herriko Agintaritzaren Aldizkarian.

32 babes bereziko etxebizitzek ondorengo ezaugarriak/kupoak dituzte:

Logela  kopurua Etxebizitza kopurua Azalera minimoa Azalera maximoa Prezio maximoa
2 10 58,76 m2 61,49 m2 103.289,19 €
3 20 73,97 m2 80,85 m2 130.241,04 €
3 2 (*) 104,33 m2 104,33 m2 158.063,71 €

(*) Etxebizitza egokituak

Esleipen-prozeduran parte hartu ahal izateko, ondoko baldintzak bete behar dituzu, hasiera Agindua argitaratzen den datan:

  • Diru-sarrerak:  2018ean, 12.000 eta 39.000 euro arteko diru-sarrera haztatuak egiaztatzea. Mugikortasun murriztua duten elbarriek edo desgaitasun psikikoa duten pertsonek nahikoa dute 3.000 euroko gutxieneko diru-sarrerak egiaztatzea. Genero-indarkeriaren biktima diren emakumeek ez dute gutxieneko diru-sarrerarik egiaztatu behar. Baldintza hau egiaztatzeko eskabidearen titular guztien diru-sarrerak kontuan hartuko dira.
  • Errolda: eskaerako titular den pertsona batek Euskal Erkidego Autonomikoan erroldatuta dagoela egiaztatu behar du gutxienez urte bateko antzinatasunez (etenik gabe).
  • Udalerria: izena emateko eskaeran aukeratutako udalerrietako bat Santurtzi izan behar da edo Bilbo Metropolitarreko eremu funtzionaleko udalerriren bat.
  • Bizikidetza unitatea: bizikidetza unitatea ezin da bost kide baino gehiagokoa izan.

Esleitzeko prozedurari hasiera ematen dion aginduan jasotzen dira, besteak beste, sustapen horren ezaugarriak eta dagozkion esleipen prozeduran parte hartzeko bete beharreko baldintzak. Gauzak horrela, agindu horretan jasotzen denaren arabera, esleipen prozedura horretan parte hartu nahi baduzu, 2020ko uztailaren 2a eta 28a bitartean (biak barne) izena eman behar duzu. Informazio osoa www.etxebide.euskadi.eus web gunean ere topatuko duzu.

Baldintzak betetzen badituzu, izen-ematea ondoko bide hauetako baten bidez egin dezakezu:

  • Telematikoki: www.etxebide.euskadi.eus/espedientea estekaren bidez
  • Telefonoz: 945016296 telefonora deituta.
  • Postaz: Bizkaiko Etxebizitzako Lurralde Ordezkaritzan, Kale Nagusia 85, 6. solairua, 48011-Bilbao.

Oharra:

Esleipen prozedura honetan parte hartzeko baldintzak betetzen duten guztiek mail edo gutun bat jasoko dute (hautatu duzun komunikazio bidearen arabera), gutun edo maila horretan izena emateko datu guztiak izango dituzu eta baita izena modu egokian emateko jarraibideak.

Gogoan izan esleipen prozeduran parte hartzeko baldintzak betetzen ez badituzu, prozeduratik baztertua izango zarela, baina honek ez duela Etxebiden duzun egoera aldatuko; bestetik, jakin, izena ematen ez baduzu, zure Etxebideko erregistroan ez duela inolako ondoriorik izango. Egokitu zaizun etxebizitza bati uko eginez gero, aldiz, zure espedienteari baja emango zaio Etxebidetik (araudian jasotako salbuespenei izan ezik) eta urte bete itxaron beharko duzu berriro izena eman ahal izateko etxebizitza eskatzaileen erregistroan.

Etxebizitza sustapenetan parte hartzeko izena emateko hauetariko bide bat baliatu ahal duzu:

A. Internetez: www.etxebide.euskadi.eus/espedientea – Sustapenak atalean.

Izena eman dezakezu honako hauek erabilita:
- Pasahitza (on-line eska dezakezu)
- BAKQ.
- Txartel elektronikoa.
Webgunean topatu ahal duzu izena emateko behar duzun laguntza (leiho berri batean irekitzen da).

B. Telefonoz: 945 016 296 telefonora deituta (sustapenaren inguruko informazioa postaz jaso baduzu, izena emateko zenbakia eta sustapen zenbakia behar dituzu; e-mailez jaso baduzudeitu ondoren itxaron eta norbait lagunduko dizu).

Jarraitu beharreko pausoak:

  • Deitu telefono zenbakira.
  • SMS bidez zenbaki bat jasoko duzu zure espedientean agertzen den sakeleko telefonoan. Garrantzitsua da telefono hori eskura izatea izapidearekin jarraitu ahal izateko.
  • Zure eskaeraren laburpena jasotzen duen grabazio bati baiezkoa eman beharko diozu.
  • SMS bidez jasoko duzu eskaeraren egiaztagiria.

C. Postaz: sustapenaren inguruko informazioa postaz jaso baduzu, eskaera sinatu eta hona bidal dezakezu: Bizkaiko Etxebizitzako Lurralde Ordezkaritzan, Kale Nagusia 85, 6. solairua, 48011-Bilbao.

D. Administrazo publikoan: sustapenaren inguruko informazioa postaz jaso baduzu eskaera sinatu eta edozein administrazio publikoren erregistroan aurkeztu dezakezu.