Sarrera

Komunikazioa hobetu, parte-hartzea bultzatu eta zerbitzu berriak sortzeko asmoz, Eusko Jaurlaritzak ekimen ugari sortu du sare sozialen inguruan. Finean, helburua da gobernu ireki eta kolaboratzailea lortzea.

Mintegi honetan herritarrekin zein herritarrentzat sare sozialetan bideratu dugun estrategiaz hitz egin dugu. Erabiltzen diren web 2.0 tresnez aparte, gakoa hauxe da: erabakiak hartzeko eta erakunde barruko ikasketa bat eragiten duen estrategia eta kudeaketa eredu bat izatea.

Genis Rocaren parte hartzea izan dugu. Honek RocaSalvatella NetStrategies enpresan lan egiten du, non garatu duten hainbat erakundeek (pribatu zein publiko) sare sozialetan duten presentzia eta aktibitatea kudeatzeko metodologia.

Era berean, Eusko Jaurlaritzan sortzen ari diren esperientzia berriak ezagutzeko aukera emango dugu.