Zer egin dugu 2024an?

Bi etapa bereizi behar dira: otsailaren 13ko 14/2024 Dekretuaren bidez titularra izendatu eta hura zereginetan hasi zenetik lantaldea osatu zen arte (otsaila-ekaina), eta lantaldea osatu eta urte bukaerara bitarte; tarte horretan onartu zen proiektu estrategiko hau eta 2025eko plana.

Otsailetik ekainera bitartean, Eusko Jaurlaritzako orduko Lan eta Enplegu Sailaren laguntzarekin, ekintza hauek egin dira:

• Titularra Jaurlaritzaren barruko eta kanpoko solaskideekin bilerak egiten aritu da, egokitzen joateko eta informazioa, ikuspegiak eta proposamenak partekatzeko.
• Gasteizeko eta Bilboko bulegoak egokitu eta hornitu dira.
• Hainbat jardueratan parte hartu da, eragileekin ohitzen joateko.
• Besaldi marka aukeratu eta kontrastatu da.
• Bibliografia berrikusi da.
• Langileak hautatu dira (hiru langile, titularrarekin batera aritzeko).

2024ko ekainetik abendura, jarduera hau izan da:

• Besaldiko arduradunak eta teknikariak Bartzelonako Unibertsitateko okupazio-politiken ebaluazioko espezializazio-diploman matrikulatu, parte hartu eta egiten hasi dira.
• Taldearen barne prestakuntzako eta hausnarketako ekintzak egin dira.
• Markari, irudi korporatiboari eta webguneari buruzko lana egin da.
• Webgunea eta titularraren profilak erabili dira sare sozialetan behin-behinean, gogoetak eta informazioa partekatzeko.
• Enplegu- eta inklusio-politiken arloko agenteekin elkar ezagutzeko topaketak egin dira.
• Besaldiren antolaketa eta kudeaketa diseinatu da, saioak egin eta doitu dira.
• 2029ko proiektu estrategikoa eta 2025eko plana egin dira, aholkularitzaren laguntzarekin.