Eusko Jaurlaritzak, Arabako, Bizkaiko eta Gipuzkoako foru-aldundiekin eta Bilboko, Donostiako eta Gasteizko udalekin batera, datu irekietatik sortutako ideien eta aplikazioen lehiaketen hirugarren edizioa antolatu dute.
Datu irekien lehiaketek Euskal Autonomia Erkidegoko datu irekien katalogo batetik sortutako ideiak edo aplikazioak/zerbitzuak saritzea dute helburu. Alde batetik, garatzaile edo programatzaile informatikoetan pentsatuta (Aplikazio lehiaketa), eta bestetik, berrerabilera ideiak dituzten pertsona ez teknikoetan ere (Ideia lehiaketa) pentsaturik antolatu dira.
Open data kultura eta Euskadiko datu publiko irekien berrerabiltzea bultzatzea da helburua.
Ideia lehiaketa
Ideia Lehiaketa honako hauei zuzenduta dago: datu irekietatik eratorritako orotariko zerbitzu, azterlan, bistaratze edo aplikazio sortzeko ideiak proposatu nahi dituzten pertsonei.
Ideia dokumentu batean azaldu eta dokumentu hori inskripzioa egitean erantsi besterik ez da egin beharko:
- Izena ematea: urriaren 8tik azaroaren 19ra.
- Sariak: 8000 € (Lehen saria: 5000 € / bigarren saria: 3000 €).
- Ikasleei, profesionalei eta enpresei zuzenduta dago. Ez da programazio ezaguerarik behar parte-hartzeko.
- Web bidezko izen-ematea.
- Informazio gehiago lehiaketari buruz.
Aplikazio lehiaketa
Aplikazio-lehiaketa honako hauek ditu xede: garatzaile edo programatzaile informatikok; edo zerbitzu, azterlan, bistaratze edo aplikazio bat sortzeko gai den edozein pertsonari. Lan horrek gutxienez Euskadiko open data publikoko katalogoetako datu irekien multzo bat (oinarrietan zehaztutakoak) erabili beharko du.
- Izena ematea: urriaren 8tik azaroaren 19ra.
- Sariak: 18000 € (Lehen saria: 10000 € / bigarren saria: 8000 €).
- Garapen nahiz programazio ezaguera duten edo/eta datu irekietatik zerbitzu/aplikazioak sortzeko gai diren ikasleei, profesionalei edo enpresei zuzenduta dago.
- Web bidezko izen-ematea.
- Informazio gehiago lehiaketari buruz.
Edizio honi edo aurreko edizioei buruzko informazio gehiago kontsulta dezakezu.
Animatu eta parte hartu!
