Albisteak eta ekitaldiak

International Longevity Centre (ILC) zentroak txosten bat argitaratu du, G20ko herrialdeetan osasun-arloko prebentzio-politiken eta desberdintasunei aurre egitearen aldeko apustua lehenestearen garrantzia nabarmentzeko, biztanleriaren zahartze progresiboa bizi duen mundu honetan.

Erresuma Batuko etxebizitzak arretaren eta laguntzaren etorkizunean izango duen zereginari buruzko Batzordeak (Commission on the Role of Housing in the Future of Care and Support) ibilbide-orri bat egin du, 65 urtetik gorako biztanleentzako zainketa eta laguntzak dituzten bizitegi-aukerak aztertzeko.

Desgaitasun Fisikoa eta Organikoa duten Pertsonen Espainiako Konfederazioak (COCEMFE) 'Desgaitasun organikoaren Liburu Zuria' egin du. Liburu horrek desgaitasun organikoa duten pertsonen egoera deskribatzen du, eta kolektibo horren eskubideen aitorpena aldarrikatzen du.

Gaztela-Mantxako Unibertsitateak, duela gutxi, gida praktiko bat argitaratu du gaixotasun neurologikoa duen pertsonaren inguruan garatzen den gizarte-lana ezagutarazteko. Ikuspegi hezitzaile eta didaktiko argiarekin, gidak gakoak ematen ditu ulertzeko zergatik den beharrezkoa gizarte-lan neurologikoa, zertan datzan eta nola aplikatzen den arlo horretan espezializatutako esku-hartze profesional bat.