Albisteak eta ekitaldiak

Dirulaguntza honen xedea da Gipuzkoako toki erakundeei diru laguntzak ematea, Gipuzkoako herritarrei zuzendutako jarduera fisikoa sustatzeko tokiko programak garatzeko.

Aurreikusi bezala, urte eta erdi geroago, Araba eta Gipuzkoari dagokien neurketak amaitu ditugu Euskadiko haur eta nerabeen jarduera fisikoren eta sedentarismoaren ohiturak deskribatzeko azterlana egiteko. Guztira 557 haur eta gazte aztertu dira, 175 Araban eta 382 Gipuzkoan.

Eusko Jaurlaritzak, Eusfit Mugiment sasoi fisikoa monitorizatzeko sistemaren bidez, Europako Fitback egitasmoan parte hartuko du.

Bizkaiko Foru Aldundiak, lurraldeko hainbat udalerrirekin lankidetzan, kalistenia eta parkour praktikatzen ikasteko masterclass saioei buruzko programaren edizio berri bat jarri du abian. Programa horren helburua Bizkaiko gazteen eta gazte helduen artean kirol-jarduera sustatzea da.

Iazko ikasturtean haur eta nerabeen sasoi fisikoaren EAEko zaintza sistema sortu zen: Eusfit Mugiment. Iaz proba pilotua egin eta gero, datorren ikasturtean ekimenean parte hartzeko deialdi orokorra irekiko da.

2019an elkarlanetik abiatuta sortutako zerbitzua da POZ, bizi ohiturak aldatu eta sedentarismotik bizi aktibora pasatzeko aholkularitza-orientazio zerbitzua ardatz duena. Hasiera batean, fokua 70 urtetik gorako pertsonetan jarri bazen ere, egun zerbitzua oñatiar guztiei dago zuzendua.