Modularra, malgua eta desmuntagarria. Horiexek dira munduko lehenengo eraikin esperimentalaren ezaugarri nagusiak. Kubik eraikina gaur goizean inauguratu da Zamudioko teknologi elkartegian. Eraikin honek energia-eraginkortasunaren, eraikinen iraunkortasunaren eta teknologien inplementazioaren arloetako esperimentuak egiteko aukera emango du etorkizunean eraikin ekoeraginkorrak sortu ahal izateko eta horrela, CO2 isurtzeak eta etxeetako energia-kontsumoa murrizteko, izan ere, dagoeneko Espainiako energia kontsumo osoaren % 40 da. Iñaki Arriolak, Etxebizitza, Herrilan eta Garraio sailburuak, Eusko Jaurlaritzak I+G+b-aren garapenaren aldeko apustua egiteko konpromiso “sendoa” hartu duela azpimarratu du, bereziki, Euskadiko eraikuntza guztietan “iraunkortasuna, kalitatea eta berrikuntza” sustatzeko. “Kubik-en oinarrizko funtzioa berrikuntza da, etorkizuneko eraikuntzak iraunkorragoak eta eraginkorragoak izatea eta kalitate hobea izatea eragiten duten eraikuntza aurrerapen eta bermeak izan ditzaten”, gehitu du.