Azken eguneratzea: 2011/09/08

Bidaiarien eta salgaien garraio publikorako 2011ko laguntza-programa

2011ko irailaren 6an eta 7an laguntza-programa horretako aginduak argitaratu dira Euskal Herriko Agintaritzaren Aldizkarian, eta eskabideak aurkezteko epea zabaldu da.

Aurreko deialdian bezala, oraingo honetan ere bide telematikoak erabili ahal izango dira eskabidea eta gainerako agiriak aurkezteko, eta prozedura amaitu arteko izapide guztiak egiteko.

Hona laguntzen zerrenda, eta eskabidea aurkezteko azken eguna:

Laguntza	Eskabidea aurkezteko azken eguna
Lanbidea uzteko	2011ko urriaren 7a
Enpresen kontzentraziorako	2011ko urriaren 7a
Elkartegintza sustatzeko	2011ko urriaren 7a
Teknologia berriak ezartzeko	2011ko urriaren 8a
Kalitate eta ingurumenerako sistemak ezartzeko	2011ko urriaren 8a
Garraio konbinatua sustatzeko	2011ko urriaren 8a

Eskabide-orriak eskuratzeko lekua:

Etxebizitza, Herri Lan eta Garraio Sailaren egoitza elektronikoan, www.euskadi.net Webgunean, eta Garraio Zuzendaritzan (Donostia kalea, Lakua 1- 7. solairua - 01010 Vitoria-Gasteiz)

Eskabideak eta agiriak aurkeztea:

Eskabideak, eranskinean datorren eskabide-orria behar bezala beteta, paperean aurkeztu nahi izanez gero, Eusko Jaurlaritzaren Herritarrentzako Zerbitzuan (Zuzenean zerbitzuan) entregatu ahal izango dira edo bestela Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 38.4 artikuluan aurreikusitako organoetan, Euskal Autonomia Erkidegoko Garraio Zuzendaritzari helarazteko.

Era berean, baliabide elektronikoak ere erabili ahal izango dira eskabideak eta gainerako agiriak aurkezteko. Deialdiari buruzko informazioa, prozedura eta eskakizunak egiaztatzeko modua www.euskadi.net webgunean kontsultatu ahal izango dira, Etxebizitza, Herri Lan eta Garraio Sailaren atalean.