Mamen Álvarez Zubizarreta (Arreta Soziosanitarioko zuzendaria) ASLAN 2026 Sarien Gala Afarian izan zen ordezkari gisa, ASLAN Biltzarraren barruan, Euskadiko Arreta Soziosanitarioko Ataria Zerbitzu Publiko Digitalen eta Herritarren Esperientziaren kategoriako proiektu finalista gisa hautatu ondoren.
Aintzatespen horren arabera, ekimena Administrazio Publikoari aplikatutako eraldaketa digitalaren esparruan Espainia mailan gehien nabarmendu direnen artean dago, Arreta Soziosanitarioko Zuzendaritzak eta Eusko Jaurlaritzak herritarren esperientzia hobetzera bideratutako irtenbide berritzaileen alde egindako apustuari balioa emanez.
Gala martxoaren 18ko gauean egin zen, Olivar de la Hinojosa golf zelaian (Madril), eta Espainiako erakundeetako eta sektore teknologikoko ordezkariak bildu ziren, digitalizazioan aurrerapenak, kasu arrakastatsuak eta joerak partekatzeko funtsezko topagune gisa sendotuz. Ekitaldian zehar, 62 administrazio eta erakunde publikok aurkeztutako 84 ekimenen artean saritutako hamalau proiektuen berri eman zen.
Azkenean proiektu irabazlea beste bat izan zen arren, finalisten parte izateak babes handia ematen dio talde osoak egindako lanari eta proposamenak zerbitzu publiko digitalen hobekuntzan duen eraginari.
Zorionak edizio honetako proiektu finalista eta irabazle guztiei.
@aslan 2026 Sarien irabazleen eta finalisten zerrenda osoa ezagutu dezakezu eta saritutako proiektu guztiak ezagutu, esteka honetan klik eginez 
.
