Azken eguneratzea: 2009/02/12
Eurohelp aholkularitza-enpresara bisita
Lehendakariak informazio teknologiako Eurohelp enpresa bisitatu du
Juan Jose Ibarretxe Lehendakariak informazio teknologiako Eurohelp Consulting enpresa bisitatu du. Arduradunek gonbidatuta, Ibarretxek enpresa gertutik ezagutu ahal izan du. Sei urtetan 340 lanpostu sortu dira enpresa horretan.
Lehendakaria Eurohelp enpresako langile gazteak agurtzen. JB
Lehendakaria Eurohelp enpresako langile gazteak agurtzen. JB

Eurohelp enpresara egindako bisitan, Lehendakariak banaka agurtu ditu bertako langile gazteak. Beraiekin ere hitz egin du.

2003an sortu zen Eurohelp enpresa eta bezeroen neurrira egindako programa informatikoak prestatzeaz arduratzen da. Informazio teknologiako aholkularitzan liderra da eta sektore horretan azken urteetan hazkunde handiena izan duen enpresa.