Azken eguneratzea: 2010/11/10
Ingurumen, Lurralde Plangintza, Nekazaritza eta Arrantza Saila aurten ere Gastronomikan egongo da
Gure elikagaiak eta gure sukaldaritza sustatzeko helburuaz erakusmahai instituzionala jarriko du
Aurten ere, San Sebastian-Gastronomika Biltzarrean izango da Eusko Jaurlaritzako Ingurumen, Lurralde, Plangintza, Nekazaritza eta Arrantza Saila, erakusmahai instituzionala jarriko baitu, gure elikagaiak eta gure sukaldaritza sustatzeko. Gamarrako Ostalaritza Eskolako sukaldari adituekin sukaldaritza sustatzeko jarduerak egitea aurreikusten da.
Zuzeneko sukaldaritza erakustaldi askotarikoak egingo dira; lurraldeko produktuekin pintxoak egiteaz gainera, IV. eta V. gamako produktuekin ere egingo dira erakustaldiak, hori guztia txakolinarekin eta Arabar Errioxako ardoekin bustita. Euskadiren nortasunaren adierazgarri da bertako sukaldaritza, bai eta munduari unibertsala den hizkuntza batean hitz egiteko modua ere: zaporearen hizkuntzan. Goi mailako sukaldaritzako munduko jatetxe-kopuru handiena du metro koadroko, eta 1000tik gora elkarte gastronomiko daude; jakiak prestatzeko elkartzen dira kideak, eta Arte bihurtzen da irudimena.
Euskadiko elikadura-industriako produktuen arrakasta eta ospea berrikuntza, hobekuntza teknologikoa eta kalitatezko lehengaiak erabiltzean datza.
Hona hemen sukaldaritza erakusketarako euren produktuak emango dituzten enpresak:
AGINA PIPERRAK Kontserbako piperminak, eta aurrez frijitu eta ultraizoztuak
BACALAOS ALKORTA Bakailao gezatua. Olagarro egosia. Bakailao izoztua. Almeja egosia
BARRENETXE Eusko-Label tomatea, Eusko-Label letxuga eta Gernikako Eusko-Label piperrak; freskoak, eta aurrez frijitu eta ultraizoztuak
BASATXERRI Euskal Herrian libre hazitako txerrien haragiarekin egindako produktuak
CASA ECEIZA Postre izoztuak, teilak eta zigarroak, gailetak, gozoak
GARLAN Arabako babarrun nabarra
INSALUS Ur Mineral Naturala(gasarekin eta gabe)
SALANORT Antxoa, hegaluzea, mendrezka, bokarta, olagarroa, saltsak
TOLOSAKO BABARRUNAK Tolosako bararrunak
VASCOLAC Gazta freskoa, Kefirra, Idiazabal Gazta
Azoka egunak: azaroak 22, astelehena, azaroak 23, asteartea, eta azaroak 24, asteazkena
Ordutegia: 10:00-20:00 Lekua: Kursaala, Donostia
Erakusmahaia: 17
Informazio gehiago nahi izanez gero, jarri harremanetan Marta Solaunekin: m-solaun@ej-gv.es