Beren kabuz garbitzen diren pinturak

Belaunaldi berriko pintura horiek nanoteknologiako azken aurrerakuntzekin garatu dira; izan ere, formulan nanopartikula-forman dagoen agente fotokatalitiko bat dute, eguzki-erradiazioekin aktibatzen dena. Horri esker, pintura eguzkipean dagoenean, kutsadura edo zikinkeria degradatzeko gai da, eta erraz ken daitezke euri-urarekin. Hobekuntza teknologiko horrekin, ingurumen-poluitzaileek eragindako zahartze-arazoak eta ezaugarri estetikoen galera konpondu daitezke.

Orain arte lortutako emaitzek frogatu dute pinturek beren kabuz garbitzeko gaitasuna dutela, bai materia organikoaren degradazioari dagokionez, bai duten izaera hidrofilo handiagatik. Hori dela eta, erraztu egiten du garbiketa-prozesua eta urak zikinkeria kentzea. Horrenbestez, pintura-mota hori kanpoan aplikatuta, beren kabuz garbitu daitezkeen azalerak lortuko lirateke. Hala, ezaugarri estetikoak gehitu egingo lirateke, eta mantentze- eta konpontze-lanak, berriz, gutxitu. Kontuan hartu behar da ohiko pinturetan zikinkeria-mota hori kentzeak kostu handia duela, eta pintura horiek aplikatzen diren gainazalak asko hondatzen dituela.

2008an, berri hau argitaratu zen Eraikalen: Eguzki-energia sorrarazten duen pintura .

Eraikalen hainbat berri jaso ditugu beren kabuz garbitzen diren edo hidrofobizatzaileak diren produktuak sortzeko nanoteknologiaren erabilerari buruz:

• Nanoteknologian oinarritutako produktu hidrofobizatzaileak eraikuntzarako ; TECNAN Tecnología Navarra de Nanoproductos SLk garatutako ideia.
• Leihoak beren kabuz garbitzeko nanoteknologia ; Tel Aviv-eko Unibertsitatea.
• Beren kabuz garbitu daitekeen zeramika, zura, harri naturala, metala eta zementua ; Teknologia Zeramikoko Institutua (ITC).
• Argiarekin eta hezetasunarekin fatxadak beren kabuz garbitzeko sistema diseinatu dute . Eskualde Garapeneko Europako Funtsak eta Impivak diruz lagundutako ikerketa-proiektua. Valentziako Unibertsitate Politeknikoko Materialen Teknologiako Institutuak (ITM) parte hartu du proiektuan.
• Reynobond with EcoClean, aireko poluzioa gutxitzen duen arkitektura-panela . Alcoa aluminio-fabrikatzailearen eraikuntza-material berri bat da; bere kabuz garbitzeko gaitasuna du, eta aire-poluitzaileak deskonposatzen lagundu lezake.

Iturria: Alimarket , 2011/11/04