Patataren asteko aurkezpena

FAOk (Elikadura eta Nekazaritzarako Nazio Batuen Erakundeak Nekazaritza Ikerketarako eta Garapenerako Euskal Institutua Neiker-Tecnalia esleitu zuen Patataren nazioarteko urteko antolatzaile izateko. Momentu horretatik aurrera, Neiker-Tecnaliak eta euskal erakundeek bera gain hartu dituzte sektore honen behar, arazo eta konponbideetaz hitz egiteko foroak antolatu eta gizartea mundu mailako gai interesgarri batzuei, nutrizioari, pobreziari eta ingurugiroko arriskuei aurre hartzeko produktu honen funtzioaren garrantziaren inguruan eta nekazaritzaren garrantziaren inguruan sentsibilizatzea.

Testuinguru honetan, gaur goizean Vitoria-Gasteizen urriaren 4tik 10era bitartean ospatuko den Patataren astea 2008  aurkeztu da. Ospakizun garrantzitsua izango da eta erakundeek, sektoreko profesionalek eta elkarte, entitate eta enpresa ezberdinek aintzat hartu dute eta ospakizunean parte hartzeko bere nahia agertu dute.

Eusko Jaurlaritzak, Arabako Foru Aldundiak, Vitoria-Gasteizko Udalak, UDAPAk, Alavesa de Patatas-ek edota UAGAk bat egin dute ospakizunekin. Ospakizunen barruan azpimagarria da Patataren inguruko III Kongresu Iberoamerikarra, gai honen inguruan dagoen topaketarik garrantzitsuena.

Gaur goizean, Lakuako Eusko Jaurlaritzako egitzan, Topaketa horien garrantzia azpimarratu dute Nekazaritza, Arrantza eta Elikadura kontseilariak, Gonzalo Saénz de Samaniegok, Arabako Nekazaritza diputatuak, Estefanía Beltrán de Herdiak, eta Neiker-Tecnaliako lehendakariak, Luis Javier Telleriak. Hauek guztiak, Alavesa de Patataseko zuzendari nagusiarekin, Andres Lekuonarekin, batera ospakizun hori antolatzearen transzendentzia azpimarratu dute, izan ere Arabako Lurralde Historikoan Patata landaketa estrategikoa eta tradizio handiko baita.

Patataren inguruko Ikerketa eta Garapenerako III. Kongresu iberoamerikarra Vitoria-Gasteizko Europa Jauregian egingo da urriaren 5a eta 10a bitartean. Topaketa hori Iberoamerika mailan egiten den garrantzitsuena da eta bertan estatu eta iberoamerika mailako zientzilariak, teknikariak, ekoizleak eta enpresariak gai honen inguruan eztabaidatzeko elkartzen dira.

Kongresuko txostengileak Unibertsitatetatik eta I+G zentroetatik etorriko dira, sektoreko enpresetatik, enpresa prozesatzaileetatik, hobekuntza genetikatik eta patataren komertzializaziotik, kontsumorako, landaketarako edota almidoierako. Enpresa eta erakundeen artean Argentinako McCain edota Fundación PapaLatina daude, eta beraiekin batera herrialde iberoamerikarreko sektoreko beste enpresa batzuk.

Topaketa horretan, estatu osoko ikerlariak eta komertzializatzaileak Red Latinoamericana de Innovación en Mejoramiento y Diseminación de Papa (LatinPapa)ko kideekin, Asociación Latinoamericana de Papa (ALAP)eko kideekin edota Centro Internacional de la Papa de Perú (CIP)eko kideekin harremanetan jarriko dira, beste batzuren artean.

Baina, Patataren asteko antolatzaileek, hiritarren parte hartzea sustatzeko asmoa ere badute. Horrela, Kongresua ospatzen den bitartean, Vitoria-Gasteizko kaleetan eta Araba osoko kaleetan aisialdiarekin lotutako ekitaldiak egingo dira. Patata protagonista duen argazki lehiaketa bat, patatarekin egindako janari ezberdinen dastaketa, erakusketak eta beste hainbat ekitaldi. Ekitaldi hauek guztiak Arabako Lurralde Historikoa Patataren nazioarteko hiriburu bihurtuko dute egun batzuetan zehar.

Neiker-Tecnaliak, Arkautiko bere egoitzan Araba mundu mailan landaketarako patataren erreferentzia bihurtu izanaren lekukoa hartu du. Iturrietan dagoen Patataren Hobekuntzarako Estazioan lana egiten duten langileen goi mailako ikerketei esker, nekazaritza eta klima egoera ezberdinetara eta patogeno ezberdinetara ongi moldatzen diren eta batez ere prozedura industrial zehatzetara moldatzeko gaitasuna duten barietate onak lortu izan dira. Iturrietako zentroa 1933. urtean sortu zen.

Ikerketa zentru honek, nazioarte mailako hainbat ospakizun antolatu izan ditu, adibidez "Patataren inguruko Ikerketa eta Garapenerako I Kongresu Iberoamerikarra" (Vitoria-Gasteizen 2000. urtean) eta "16th Triennial Conference of the EAPR" (Bilbo, 2005. urtean).