Gizarte iraunkorreko eredu batera, alegia, ingurumena gehiago errespetatzen duen eta sozialki bidezkoagoa den gizartera, aldatzeak esan nahi du ingurumen-konpromiso zehatzak onartzea giza jardueraren eremu guztietan. Jai asko ospatzen ditugu gure kulturan, eta, haien bidez, garrantzi pertsonaleko gertaerak ospatzen ditugu tradizioei jarraituz, edo taldeko sentimenduak adierazten ditugu. Eta une horietan eta leku horietan ere ingurumen-koherentzia berarekin jardun daiteke eta jardun behar da. Horrek esan nahi du lan egitea jaian ahalik eta hondakin gutxien sortzeko, energia-baliabideak aurrezteko, poluzio atmosferikoko edo akustikoko faktoreak murrizteko edo istripu-arriskuak murrizteko.