Tokiko Ekintza Planak Tokiko Agenda 21 delakoen ardatz eratzaileak dira. Plan horiek martxan jartzean, 1992ko ekainean Rio de Janeiron egin zen Ingurumenari eta Garapenari buruzko Munduko I Biltzarrean (Lurraren goi-bilera) ezarritako jarraibideei erantzuten zaie.
Lurraren I.goi-bileraren esparruan, besteak beste, batetik, Rioko deklarazioa izeneko dokumentua onartu zen. Dokumentu hartan, estatu guztiek garapen-eredu iraunkorrerantz aurrera egiteko konpromiso politikoa hartu zuten. Eta bestetik, Agenda 21 onartu zen. Agenda horrek ekintza-plan global eta zabala osatu zuen, eta han ezarri ziren kolektiboak jarraitu beharreko estrategiak XXI. mendean aipatutako iraunkortasun hori lortzeko.