"50 Ingurumen Jardunbide Egoki, Udalerriak eredu" dokumentuarekin jarraipena ematen zaio 2002an egindako "Jardunbide Egokien Eskuliburua Euskal Udalerrientzat" dokumentuari. Bi dokumentu horietan, udalerriek egindako 75 ekintza baino gehiago azaltzen dira. Ekintzek leku baterako nahiz besterako balio dute, egiteko errazak dira, merkeak, erraz ezar daitezke eta ingurumenean eragin positiboa dute; arrazoi horiengatik jaso dira dokumentuetan. Laburbilduz, udalerrien artean ingurumenari dagozkion esperientzien eta ekintzen trukea bultzatu nahi du dokumentu honek, eta, azken batean, udalerri iraunkorragoak lortzeko bidean aurrera egin.