Boluntariotzako Ekitaldiak: Donosti-Gizalde

Ekimen ibiltaria ekainaren 16an abiatuko da, Gipuzkoako hiriburuko Boulevard zumardian (Ugartemendia plazan), Sareginez sareak antolatzen duen Elkarteen Feriaren barruan.

Elkarteen Feria Sareginezek kudeatzen du. Boluntarioek hainbat talderen bidez egiten duten lana hiritarrei erakustea du xede. Horretarako, informaziostandak jartzen dira, talde horien zeregina zertan datzan zehatz-mehatz azaltzeko. Gainera, jardunaldiaren osagarri, edonork parte hartzeko moduko hainbat jarduera egiten dira.