Vitoria-Gasteizko udalerriko Lakuabizkarran 92 zuzkidura bizitoken esleipen prozeduran izena emateko epea irekiko da 2022ko azaroaren 29tik abenduaren 15era bitartean

SUSTAPENARI BURUZKO INFORMAZIOA

• Sustapeneran espediente zenbakia: EB1-1235/11-AA-000
• Sustapenaren udalerria: Vitoria-Gasteiz (Lakuabizkarra)
• Erregimena: Alokairua
• Sustapeneko zuzkidura bizitoki kopurua: 92
• Baztertutako zuzkidura bizitoki kopurua: 0
• Esleituko diren zuzkidura bizitoki kopurua: 92
• Mugikortasun urria duten elbarrientzako bizitoki egokituta: 2
  

Logela kopurua	Bizitoki kopurua	Azalera minimoa	Azalera maximoa
1	*2	55,23 m²	55,23 m²
1	74	34,61 m²	35,84 m²
2	16	35,71 m²	53,89 m²

*Etxebizitza egokituak

Kupoa: Mugikortasun urriko elbarriak	Kupoa: 36 urte baino gazteagoak
2 Zuzkidura bizitoki	90 Zuzkidura bizitoki

PARTE HARTZEKO BALDINTZAK

• Etxebideko eskabidea: Etxebizitza Eskatzaileen Erregistroan alokairuko eskatzaile gisa Araba erdialdeko eremu funtzionaleko udalerriren batean altan daudenak (Agurain, Añana, Armiñon, Arraia-Maeztu, Arratzua-Ubarrundia, Asparrena, Barrundia, Berantevilla, Bernedo, Burgelu, Donemiliaga, Alegría-Dulantzi, Erriberagoitia, Erriberabeitia, Vitoria-Gasteiz, Gaubea, Harana, Iruña Oka, Iruraiz-Gauna, Kanpezu, Kuartango, Lagran, Lantaron, Legutio, Otxandio, Urkabustaiz, Ubide, Urizaharra, Zalduondo, Zanbrana, Zigoitia eta Zuia eta baita Badaiako Mendizerra eta Entziako Partzuergoa). Mugikortasun murriztua duten pertsonek zein genero-indarkeria pairatzen duten emakumeek parte hartu ahal izango dute edozein dela etxebizitza eskatzen duten udalerria.
• Adina: Eskabidearen titular batek behintzat 36 urte baino gutxiago izango ditu. Mugikortasun murriztua duten pertsonen kupoan parte hartuko dutenek ez dute baldintza hau bete behar izango.
• Diru-sarrerak: 2021. urteko zergaldiko diru-sarrera haztatuak 3.000 euro eta 39.000 euro artekoak direla egiaztatzea eskatzen da. Baldintza egiaztatzeko, izen ematearen titular guztien diru-sarreren batura kontuan hartuko da. Mugikortasun murriztua duten pertsonek, desgaitasun psikikoa dutenek edo genero-indarkeriaren biktima diren emakumeek ez dute gutxieneko diru-sarrerarik egiaztatu beharko, ez eta etxebizitza duin eta egoki bat legez okupatzeko eskubide subjektiboa onartuta daukaten eskatzaileek 2021.
• Bizikidetza-unitatearen kide kopurua: Gehienez lau kide.

ETXEBIZITZAREN ESLEIPENARI UKO EGITEA

Esleipenari uko eginez gero, salbuespenak salbuespen, Etxebiden baja izango zara eta urtebetez izena emateko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.

Izena eman dezakezu:

1. www.etxebide.euskadi.eus/espedientea  web gunean - Sustapenak atalean. 

Izena emateko erabili ditzakezu:

-BakQ.

-Baliozko ziurtagiri elektronikoa (NANa, Izenpe...).

Web gunean topatuko duzu izena emateko behar duzun laguntza. 

2. Posta bidez: ESKAERA SINATU eta hona bidal dezakezu:

Etxebizitzako Lurralde Ordezkaritza. Samaniego kalea 2, 1. solairua, 01008 Vitoria-Gasteiz, Araba.

Posta “administratiboa” erabiltzea gomendatzen da, posta bulegoko sarrera-data kontuan har dadin.

3. Aurrez aurre:

ZUZENEAN Herritarrentzako Zerbitzuan, aurrez hitzordua eskatuta: Ramiro de Maeztu kalea, 10, 01008 Vitoria-Gasteiz, Araba.

Zuzenean-era joateko beharrezkoa da aurrez hitzordua eskatzea. Bulegoak ohiko ordutegian irekiko dira, 8:00etatik 19:30etara, baina nahitaezkoa izango da aurretiko hitzorduarekin joatea.

Aurretiko hitzorduaren xehetasuna:

• www.euskadi.eus/hitzordua-zuzenean  -en 
• 945 019 000 telefonoaren bidez

Hitzorduak 15 minutuko tarteetan eskainiko dira (ezarritako orduan bulegoko harrera-mahaian aurkeztu beharko duzu).

Oharrak

• Gogoratu zure boligrafoa eraman behar duzula.
• Puntualtasuna eskatzen da, hitzordua ez galtzeko.
• Bulegoetara pertsona bakarra sartuko da, salbu eta mendeko pertsonei laguntzen bazaie.
• Bulegora joaten denak bere burua identifikatu beharko du horretarako prestatutako kioskoan, hitzordua hartzean eman zitzaion kodearen bidez.

4. ESKAERA SINATU eta edozein administrazio publikoren erregistroan aurkeztu dezakezu (galdetu hitzordua beharrezkoa den).