Immigrazioa · Berdindu · GLBT Informazioa · Homosexualitateari bruruzko definizioak

Sexua

Kontzeptu bat da, oro har pertsonen osagai biologikoari lotzen bazaio ere askoz ere zabalagoa dena, honako parametro hauetan oinarrituta:

• Kromosoma-sexua: XX-XY zelulak
• Hormona-sexua: estrogenoak/androgenoak
• Gonada-sexua: obulutegiak/barrabilak
• Barneko sexu genitala: Fallopio-ren tronpak umetokia eta baginaren goialdea/epididimoa, hodi deferenteak eta semen-besikulak
• Sexu fenotipikoa: kanpo-genitalak eta karaktere sexual sekundarioak
• Sexu psikologikoa edo identitate-sexua: emakumea/gizona

Sexu-orientazioa

Norberaren sexuko zein sexu desberdineko pertsonenganako sexu- zein afektibitate-erakarpen erotikoa adierazten duen terminoa. Horren arabera, honako kontzeptu hauek zehazten dira:

• Homosexuala: bere sexuko kideenganako afektibitate- eta sexu-erakarpen erotikoa sentitzen duen pertsona, gizona zein emakumea.
• Heterosexuala: afektiboki eta sexualki kontrako sexuko pertsonek erakartzen duten gizona edo emakumea.
• Bisexuala: afektiboki eta sexualki bere sexuko zein kontrako sexuko pertsonek erakartzen duten gizona edo emakumea.
• Lesbiana: emakume homosexuala da: afektiboki eta sexualki beste emakume batzuek erakartzen duten emakumea.
• Gaya: gizon homosexuala da: afektiboki eta sexualki beste gizonbatzuek erakartzen duten gizona. 

 Generoa

Gizarte-rolei dagokien gizarte-konstruktua, sexu biologikoa oinarritzat hartuta osagai soziokulturala esleitzen diena: rolak, balioak, gizarte-espektatibak eta abar.

Genero-identitatea

Norberak bere buruaz duen genero-ikuskera (maskulinoa edo femeninoa) bakar eta iraunkorra. Bestela esanda: pertsona baten kontzientzia, bere burua sexu bateko edo besteko kidetzat hartzea ahalbidetzen diona.

• Transexuala: transexualek sentitzen duten sexua ez dator bat beren sexu biologikoarekin: emakume-sexuarekin jaiotako gizonak edo gizon-sexuarekin jaiotako emakumeak dira, beraz. Pertsona transexualek sexualitatea garatu baino lehen badakite beren sexu biologikoa eta sentitzen duten sexua ez datozela bat, baina ez dakite zer izenez identifikatu gertatzen zaiena:
• Emakume transexuala: kromosoma, genital eta gorputz maskulinoekin jaio den emakumea da.
• Gizon transexuala: kromosoma, genital eta gorputz femeninoekin jaio den gizona da.
• Transgeneroa: bi generoetako batekin soilik identifikatzen ez diren pertsonak. Pertsona horiek ez dute beren burua gizontzat edo emakumetzat bakarrik ikusten, edo bietako kide direla sentitzen dute.
• Intersexuala: sexu erabakigarria garatu gabe jaio diren pertsonak dira.
• Trabestia: gizarteak oro har beste sexukotzat jotzen dituen arropak eramaten dituzte, baina ez dira sexu horrekin identifikatzen.