LALF, MERKATARITZA eta EETIFIL finantza-laguntzako Planaren Dirulaguntzak. 1. Mikroenpresa AFA, Bizkaia 2014

a) Sozietatearen helbidea eta zerga-helbidea Bizkaiko Lurralde Historikoan izatea. b) Ekoizpen zentroa Bizkaiko Lurralde Historikoan izatea. c) 6 langile baino gutxiago izatea, lansaio osokoak urteko kopuru baliokideetan. Zenbat langile diren kalkulatzeko, kontuan hartuko da diru-laguntzaren onuradunak zenbat lan-kontratu dituen inoren kontura lanaldi osoan, edo lanaldi partzialean, baina betiere kopuru baliokidean. Langiletzat joko dira enpresaren jarduerari atxikita dauden vaina euren izaeragatik Gizarte Segurantzaren Araubide Orokorrean alta emanda egon ezin diren langile autonomoak. d) Zerga betebeharrak, Gizarte Segurantzarekikoak eta dirulaguntzak itzultzearen ondoriozkoak eguneratuta edukitzea. a) b) eta d) baldintzak eskabidea aurkezten denean egiaztatu behar dira, eta ebazpena eman eta ordainketa egin arte eutsi behar zaie. Gehieneko langile kopuruari buruzko c) baldintza aldiz, eskabidea aurkezten denean egiaztatu behar da. e) Sexu-diskriminazioa dela-eta zigor edo administrazioaren arloan inoiz zehapenik jaso ez izana, Emakumeen eta Gizonen Berdintasunerako otsailaren 18ko 4/2005 Legearen arabera. f) Ez egotea Diru-laguntzei buruzko Foru Arauaren 12. Artikuluak ezarritako ezein egoeratan. e) eta f) baldintzak automatikoki bete beharko dira, eta kasuan kasuko inguruabarrak gertatzen diren bitartean iraungo dute, 5/2005 Foru Arauaren 12. artikuluan ezarritakoaren arabera. Artikulu honen 1. zenbakian azaldutakoaz gainera, Ekonomia jardueraren baten ari diren pertsona fisikoek baldintza hauek bete behar dituzte: — Langile Autonomoen Araubide Berezian (LAAB) edo antzeko mutualitate batean alta emanda egotea — Ekonomi jardueren gaineko zergan alta emanda egotea. Era berean, ondasun-erkidegoek eta sozietate zibilek baldintza hauek bete behar dituzte, artikulu honen 1. atalean azaldutakoaz gain: — Ohiko bizilekua Bizkaiko Lurralde Historikoan dutela egiaztatu behar dute kide guztiek. — Kideetako batek, gutxienez, Langile Autonomoen Araubide Berezian (LAAB) edo antzeko mutualitate batean alta emanda egon behar du. — Ekonomi jardueren gaineko zergan alta emanda egotea.