Enpresa Berritzaile berriak sortzea. Bizkaia 2016

a) Dekretu honen «26. Artikulua. Eskabideak aurkeztea» delakoan zehazten denaren araberako eskabidea. b) Bideragarritasunari eta merkatuari buruzko azterlanak edo enpresa-proiektuaren memoria. c) Hartzekodunaren fitxa, Bizkaiko Foru Aldundian banku-helbideratzeari buruzko datuak ez badaude edo bertan dauden datuak aldatu nahi badira. Enpresa-proiektuaren memoria eta hartzekodunaren fitxa Ekonomia Sustatzeko Sailaren webgunean dauden ereduen arabera aurkeztu behar dira (www.bizkaia.net/sustapena Enpresa Sustapena: Enpresa berritzaile berriak). d) Sozietatearen eraketari buruzko eskritura, behar bezala erregistratuta, eta, hala badagokio, kapital-gehikuntzari buruzko eskriturak. e) Diru-laguntza jaso dezaketen gastuen fakturak eta dagozkion ordainketa-ziurtagiriak; faktura horiek legezko baldintzak bęte behar dituzte. f) Marketin-plana, halakorik egonez gero. g) Errentamendu-kontratua, behar bezala beteta, hala badagokio. Ondoren, eta 2016ko urtarrilaren 31 baino lehen, 2015eko ekitaldiko alokairu-fakturak aurkeztu beharko dira, hain zuzen ere, eskabidea aurkeztu ondorengo hilabeteetakoak. h) Teknologo bat kontratatzen denean: h.1) Kontratua, Gizarte Segurantzaren araubide orokorrean alta eman izanaren kopia, eta TC1 eta TC2 agiriak. h.2) Lan-bizitza. h.3) Curriculum vitaea. h.4) Enpresa berrian izango dituen eginkizunen deskribapen laburra. Ondoren, eta 2016ko urtarrilaren 31 baino lehen, 2015eko ekitaldiko nominak aurkeztu beharko dira, hain zuzen ere, eskabidea aurkeztu ondorengo hilabeteetakoak. i) Negozioa garatu behar duen pertsonaren kontratazioen kasuan: i.1) Kontratua, Gizarte Segurantzaren araubide orokorrean alta eman izanaren kopia, eta TC1 eta TC2 agiriak. i.2) Lan-bizitza. i.3) Curriculum vitaea. i.4) Enpresa berrian izango dituen eginkizunen deskribapen laburra. Ondoren, eta 2016ko urtarrilaren 31 baino lehen, 2015eko ekitaldiko nominak aurkeztu beharko dira, hain zuzen ere, eskabidea aurkeztu ondorengo hilabeteetakoak.