Gaitasun digital profesionalen trebakuntza
Gaitasun digital profesionalen Trebakuntza
Eusko Jaurlaritzako Industria, Trantsizio Energetiko eta Jasangarritasun Sailak zure eskura jartzen dituen gaikuntzako eta autoikaskuntzako ekimen guztiak ezagutzera gonbidatzen zaitugu, honako hauek lortzen laguntzeko:
- Zure trebetasun digitalak hobetzea.
- Euskadiko profesional guztien etengabeko gaikuntza sustatzea.
- Lan-ingurune berritzaile eta lehiakorra bultzatzea.
Mikroenpresa Digitala
Gaitzeko, kontzientziatzeko eta sentsibilizatzeko programa da, teknologia lan-ingurunean aplikatzeak duen potentziala ezagut dezazun, hainbat arlotatik: marketin digitala, sare sozialak, produktibitatea, zibersegurtasuna, adimen artifiziala...
Norentzat?
Sektore guztietako mikroETEak, eta Euskadiko profesionalak, autonomoak eta ekintzaileak.
Zer eskaintzen dizugu?
- Doako ikastaroak, 2 orduko iraupenekoak.
- Zuzeneko webinar formatuan, edukiera mugatuarekin, zure zalantzei modu pertsonalizatuan erantzuteko.
- Hileroko programazioarekin, zure disponibilitatera egokitzeko.
Zer ikasiko duzu?
Bisitatu gure agenda. Bertan, gaien katalogo zabala topatuko duzu:
- Adimen artifiziala: Ezagutu zure produktibitatea handitzeko tresna eta aplikazioak Adimen Artifizialaren laguntzarekin.
- Sare sozialak: Handitu zure negozioaren audientzia eta zure markaren aitortza.
- Marketin digitala: Sortu zure bezero potentzialak erakartzeko estrategia digitala.
- Produktibitatea: Egin aurrera zure zereginetan, hainbat tresna eta aplikazio erabilita.
- Zibersegurtasuna: Bermatu zure negozioaren informazioaren osotasuna, isilpekotasuna eta eskuragarritasuna.
Mikroenpresa Digitala Prestakuntza Bisitatu gure ikastaroen agenda
Agenda bisitatuBarnetegi Teknologikoa: Egun bat (des)konektatzeko
Zure lan-ingurunetik kanpo emandako egun batean, teknologiak zure enpresaren lehiakortasuna eta gaitasun profesionalak hobetzen nola lagun diezazukeen jakingo duzu, eta horri buruzko gogoeta egin. Eman izena "Barnetegi teknologikoa" ekimenean. Ezagutu nahi duzu?
Norentzat?
Euskadiko sektore guztietako industria, enpresa eta enpresa txiki eta ertainetako zuzendari eta kudeatzaileentzat, beren erakundeetan eraldaketa digitala bultzatzeko gaitasuna dutenentzat, dago erabilgarri.
Zer eskaintzen dizugu?
- Talde txikitan, 10 eta 15 pertsonako multzotan.
- 8 orduko formatu trinkoan; horren bidez, "learn by doing" metodologiarekin (eginez ikasi) etekin handiena lortuko duzu.
- Landa-hoteletan, networkinga eta jardunbide berriak bateratzea errazten duen ingurune isolatuan.
- Landu beharreko gaian adituak diren profesionalen aholkularitzarekin.
- Bi modalitatetan:
- Taldeko deialdia: eskatu zure enpresako langileentzat edo enpresa-taldeetarako.
- Deialdi irekia: Bertan, jardunaldian landu beharreko tematikarekiko interes komuna duten enpresetako pertsonekin partekatuko duzu saioa.
Zertarako?
Barnetegiko saioa izango da zure erakundean teknologiaren aplikazioa bultzatzeko abiapuntua. Horrela, honako hauek ezagutu eta horiei buruz hausnartu ahal izango duzu:
- Sortzen ari diren teknologiek eskaintzen dituzten aukerak: Ikusmen Artifiziala, Eraldaketa Digitala, Datuen Analisia, Business Intelligence, Adimen Artifiziala, zibersegurtasuna eta beste batzuk.
- Nola aplikatu teknologia digital horiek zure enpresaren plan estrategikoan, bizi zaren ingurune digitala ulertzeko eta zure erakundearen etorkizunerako erabakirik onenak hartzeko.
Barnetegi Teknologikoa Ezagutu programa eta eman izena gure jardunaldietan
Agenda bisitatuEnpresa Digitala
Egunean egon nahi duzu teknologia berriei eta horiek zure enpresaren negozio-prozesuetan duten aplikazioari buruz? Teknologiarekin lotutako interesak dituzu eta zure gaitasun digitalak sendotu nahi dituzu? Bisitatu Enpresa Digitalaren agenda eta eman izena zuretzat prestatu ditugun gaikuntza-saioetan.
Gure agendan, azken berrikuntzen eta joeren berri izateko punta-puntako joerak eta berritasunak ezagutuko dituzu.
Norentzat?
Euskadiko sektore guztietako enpresa txiki eta ertainetako profesionalei zuzenduta dago, baita autonomoei edo ekintzaileei ere.
Nola?
- Enpresa Digitalean ekintza hauek sustatzen dira:
- Kongresu eta difusio-saio irekiak.
- Iraupen luzeagoko jardunaldiak, tailerrak eta gaikuntza-ikastaroak, toki mugatuekin.
- Horiek guztiak teknologia berriak erabiliz enpresen lehiakortasuna hobetzera zuzenduta daude.
- Hiru lurraldeetako zentroetan aldizkako programazioa. Hemen topa dezakegu programazioa:
- Araba Enpresa Digitala.
- Bizkaia Enpresa Digitala.
- Miramon Enpresa Digitala.
- Garaia Enpresa Digitala.
- Ezkerraldea Enpresa Digitala.
Zertarako?
Saio horietan, azken berrikuntza teknologikoak zure erakundean nola aplika daitezkeen jakiteko behar dituzun orientazioa, gaikuntza eta baliabideak jasoko dituzu.