Bigarren ipuin bilduma eskaintzen digu idazle garaztarrak. Irakasle baten begirada zorrotz eta landuarekin mundu batzuk sortzen ditu. Nahas mahas atsegin batean agertzen dizkigu berdin idazle etsitu bat, abere hiltzaile baten gogoeta bortitzak, krokodilo baten maitasunaren emaitza harrigarria edo miresten duen Sharon Tate batekin sortuko duen film apokaliptikoa. Euskara moderno landu batekin alor guztietara heltzen da, idazle sakon baten bidean.