Bahitutako bere arreba txiki Anne erreskatatzeko, Peterrek bidaia magiko bati ekin beharko dio lurralde misteriotsu batean barrena... ilargia!

Ilargiko Gizon gaiztoak bahitu du Anne, honek bere lagun kakarraldoari, Zoomzeman jaunari emaztea bilatzen laguntzen ari zitzaionean. Bere fantasiazko abenturan, Larre izartsuan lurreratuko da Peter, eta "lo dagoen" Hareaztatzaile jauna ezagutuko du. Bertan jakingo du Anne non dagoen aurkitzeko modu bakarra Gaueko Maitagarriaren afarira joatea dela, Hodeietako Jauregian. Baina hango mahaian ez dago guztientzako eserlekurik. Eta hala, Naturako bost espirituekin lehiatu beharko du: Erraldoi Ekaiztsua, Txinparta Sorgina, Henry Kazkabar, Robin Zaparrada eta Ama Antzigarra.

Euskarazko estreinaldiari buruzko informazioa, hemen.

Fitxa

• Jatorrizko izenburua: Moonbound
• Estreinaldi urtea: 2021 (estreinaldia euskaraz: 2022)
• Generoa: Animazioa. Abenturak. Marrazki bizidunak. Fantasia. Haurrentzako filma
• Kalifikazioa: Adin guztietako jendearentzat egokia
• Zuzendaria: Ali Samadi Ahadi
• Gidoia: Ali Samadi Ahadi, Arne Nolting (liburua: Gerdt von Bassewitz)
• Iraupena: 85 minutu
• Herrialdea: Alemania
• Musika: Ali N. Askin
• Ekoizpena: Brave New Work Filmproduktions, Coop 99, Little Dream Entertainment