Manou enara txikitxo bat da, eta, gertakari baten ondorioz, kaio bikote batekin haziko da. Bera ere kaioa delakoan dago, baina laster ohartuko da ez dutela kaiotzat hartzen. Haietakoa izaten saiatu arren, huts egiten du, eta bere espezieko txoriak ezagutzea eta haiekin bizitzea erabakitzen du. Handik gutxira, ordea, bai kaioek eta bai enarek elkarlanean aritu beharra izango dute arazo larri bati aurre egiteko, eta Manou, artean ez bezala, heroi handi bihurtuko da.

Fitxa

• Jatorrizko izenburua: Manou the Swift
• Generoa: Animazioa, abenturak, haurrentzako filma
• Kalifikazioa: Publiko guztientzat egokia
• Zuzendariak: Christian Haas, Andrea Block
• Gidoigileak: Axel Melzener, Andrea Block, Phil Parker, Christian Haas
• Herrialdea: Alemania
• Musika: Frank Schreiber, Steffen Wick
• Iraupena: 88 minutu