[4.2.] - Pertsonalaren Erregistro Zerbitzua bultzatzea 1/2014 Legeko betebeharrak kontrolatzeko

Helburu orokorrak:

Kargu publikodun pertsonalak bere betebeharrak eta eskubideak 156/2016 dekretuaren arabera betetzea

Helburu operatiboak:

1. Pertsonalaren Erregistro Zerbitzuaren sei hilean behingo txostena
2. Pertsonalaren Erregistro Zerbitzuaren digitalizazioa 

Gobernantza eta Berrikuntza Publikoko 2020 Plan Estrategikoa

Erakundeen zintzotasunaren eremuan, Eusko Jaurlaritzak bermatu behar du erabat betetzen direla Eusko Legebiltzarrak 2014ko ekainaren 26an onartutako 1/2014 Legeak ezarritako betebeharrak. Euskal Autonomia Erkidegoko sektore publiko autonomikoan karguak betetzen dituzten pertsonei ezartzen dizkien betebeharrak dira.

Azaroaren 15eko 156/2016 Dekretua indarrean jartzeak aukera eta etorkizun berriak dakartza "Pertsonalaren Erregistro Zerbitzua"k goi-kargudunei ezarritako betebeharrei dagokienez legeak agintzen dion kontrol eta jarraipen lana zorroztasunez eta eraginkortasunez egin ahal izateko. Eusko Legebiltzarraren osoko bilkurak zerbitzu hori indartzearen alde egin zuen 2016ko abenduaren 15eko Ebazpenean.

Pertsonalaren Erregistro Zerbitzuaren eginkizuna funtsezkoa da kargu publikodun pertsonalak bere betebeharrak eta eskubideak zuzen betetzeko. Gardentasuna gizarte-eskakizuna da, eta zuzenean eragiten die herritarrentzat lan egiten duten kargu publikodunei. Eusko Jaurlaritzak konpromiso argia dauka gardentasunarekin eta publizitate aktiboarekin, eta hura formatu irekian heltzeko konpromisoa dauka, berrerabili ahal izateko.

Kargu publikodun pertsonalaren betebehar nahiz eskubideen izapideekin lotuta baliabide elektronikoen erabilera bultzatuko da. Hartara, garrantzi berezia emango zaio paperean emandako dokumentuak deuseztatzeari, ahal den heinean. Horren ordez, Langileen baimena eman beharko du beste administrazio publiko batzuetan dauden eta norbere betebeharrak eta eskubideak betetzeko beharrezkoak diren datu pertsonalak eskuratzeko.

Funtzio Publikoko Zuzendaritza