Leaders Meetingeko 14 industria-eskualdeei dei egin die Eusko Jaurlaritzak, lankidetza eta berrikuntza industriala, lankidetza publiko-pribatuak edo kuantikoa bezalako teknologiak jorratzera, EBren subiranotasunaren premiazko lehentasunari begira, aukerak eskaintzen dituen ingurune global ezegonkor eta lehiakorrean

Zientzia, Unibertsitate eta Berrikuntzako sailburu Juan Ignacio Pérez Iglesiasek Leaders Meeting - Fit for the Future (Liderren Bilera – Etorkizunerako Prestatuak) ekitaldian parte hartu duten Europako 14 eskualdetako ordezkaritza instituzionalak hartu ditu Donostian, eta eskualdeen arteko lankidetzarako bideak ireki ditu. Basque Quantum estrategia kuantikoan parte hartzera gonbidatu ditu, EBren subiranotasun teknologikoa indartzeko. Horretarako, Europak gaitasun gehiago garatu behar ditu, batez ere egoera ezegonkor batean, eskualdeentzat aukerak ere eskaintzen dituena.

Bestalde, Kanpo Ekintzako eta Euskadi Globaleko idazkari nagusi Ander Caballerok adierazi duenez, ezinbestekoa da Europak aurrerapenak egitea industria-lehiakortasunaren edo berrikuntzaren arloan subiranotasun hori lortzeko, ziurgabetasun geopolitikoa eta lehia teknologikoa Europako lehentasunak birdefinitzen ari diren une honetan. "Eskualdeek politikak aplikatzeaz gain, modu aktiboan laguntzen dute aliantza publiko-pribatuekin".

Europako ordezkaritzak potentzial berritzaile eta ekonomiko handia duten 14 eskualde industrial hartzen ditu, horien artean, Euskal Autonomia Erkidegoaz gain, Flandria, Wallonie, Hauts-de-France, Grand Est, Nafarroa, Austria Altua, Katalunia, Lombardia, Saxonia, Baden-Württemberg, Mendebaldeko Pomerania, Emilia-Romagna eta Auvergne Rhone Alpes.