KONTSEILU EUROPARRAREN inguruan, Ekialde Ertaineko su-etena nabarmendu da, edo munduko merkataritzaren egoera, bai koiunturari dagokionez, Ormuzeko itsasartean zentratuta, bai egiturari dagokionez, Txinari begira, azken honen inbertsioen, eta antzekoen kontrolak gogortzen ari delarik EB

Kontseilu Europarraren 2026ko ekaineko bilerak hainbat mugarri nabarmen izan zituen Europako Batzordeko presidentearen adierazpenetan.

• Ukrainako gerragatik Errusiari jarritako zigorrak aipatu zituen;
• Iranekiko akordioa, Ormuzeko itsasartea irekiz
• eta arma nuklearrak garatzeko murrizketak ezarriz;
• ibilbide alternatiboak, hala nola Indiatik Mediterraneorako Korridorea (IMEC), Pertsiar Golkoko herrialdeetatik igaroz;
• Libanoko bakearen beharra;
• EBrako 2028tik 2034rako aurrekontua .
• Txinaren gehiegizko ahalmen industrial eta esportatzaileak dakarren egiturazko desoreka larria;
• arazo horren inguruan hurrengo "dibertsifikazio-tresna" baten diseinua; Txinak eta EBk gero eta handiagoa den desoreka horri buruz hitz egin dute, non Asiako aurkariak gero eta superabit handiagoa duen, Merkataritzari eta Inbertsioari buruzko Kontsultak ezarriz. Europako Batzordea baikor agertu da. Foro horretan aipatutako fluxuak edo Txinako esportazioen kontrolak monitorizatuko dira, mineral kritikoenak barne, baita Europako enpresei lizentziak ematea, jabetza intelektualaren eskubideak edo Munduko Merkataritza Erakundearen erreforma ere. Europako Batzordeak eta Txinako gobernuak komunikatu bateratu batean baieztatu dituzte aurrerapen horiek, baita muga-zergen neurriak, merkatuetarako elkarrekiko irisgarritasuna edo hornidura-kateen egonkortasuna ere. Gainera 150 eurotik beherako inportazio digitalek hasi beharko dute mugazerga baten menpe egoten, 3 euro produktuko.

• EBk arau berriekin indartu du atzerriko inbertsioen kontrola, Txina herrialde lehiakidea izanik gehien zaintzen den beste fronteetako bat. Sistema berri eta sofistikatuagoak aurretiko kontrolak saihesteko zeharkako mekanismoak aztertuko ditu, adibidez, atzerriko inbertitzaileak EBko enpresekin lotzea pantaila gisa erabiltzeko, edo antzeko prozedurak. Halaber, kontrol horiek EBko segurtasuna eta ordena arriskuan daudenean soilik aplikatzeko irizpideak hobetzen dira. Horren barruan sartzen dira sektore sentikor eta estrategikoetan egindako inbertsioak, hala nola erabilera zibil eta militarreko ondasunetan, teknologia eta lehengai kritikoetan, finantza-zerbitzuetan, garraioan, energian, hornidura-kateetan eta hauteskunde-azpiegituretan.

Halaber, eskerrak eman zaizkio Zipreri sei hilez behingo presidentetzaren amaieran, hainbat lorpenengatik:

• EB Ekialde Ertainarekin koordinatzea,
• administrazioa sinplifikatzeko araudiak,
• migrazioaren arloko itzulera-sistema,
• edo aireko bidaiarien eskubideei buruzko akordioa.

EIES - Europako informazioaren Euskal Sarea: Europako gaurkotasuneko beste edukietarako sarbidea