Lehendakariak Euskadi herrialde egonkor eta erakargarri gisa aurkeztuko du munduko ekonomia- eta finantza-foro handienean, Davoseko Munduko Ekonomia Foroan. Foro hori Suitzako herrian ari da egunotan, eta munduko lehen mailako ordezkari ekonomiko eta politikoak bertaratu dira.
Lehendakariak, besteak beste, euskal kohesio sozioekonomikoa azalduko du, 26,7ko Gini Indizearekin (gizarte baten barruan diru-sarreren desberdintasuna neurtzeko erabiltzen den neurri ekonomikoa) — Europar Batasuneko batez bestekoa baino nabarmen hobea —.
Halaber, Mikel Jauregi Industria, Trantsizio Energetiko eta Jasangarritasuneko sailburuak paper garrantzitsua izan du Industry and Energy Transition Initiative-en panelean. McKinsey aholkularitzak eta Iberdrolak elkarrekin antolatu dute eta mundu mailako energia-konpainietako zuzendari nagusiek, gobernuetako ordezkariek eta Europako Batzordeko ordezkariek parte hartu dute. Bertan izan da, baita ere, Enrico Letta Italiako lehen ministro ohia, IE School of Politics, Economics and Global Affairs-eko dekanoa IE Universityn eta Europako industria-berpizkundearen oinarriak finkatzen dituen txostenaren egilea. Topaketa horretan, sektore elektrikoak dituen erronkei buruz hitz egin dute, eta, bereziki, kontinentearen deskarbonizaziorako trantsizio energetiko europarrari buruz eta haren berrindustrializazioari buruz.
Ikus informazio osoa (Iturria: Eusko Jaurlaritzaren Irekia webgunea)
Ekonomia: Davosen, EBren enfasia izan da energiaren autonomia estrategikoan, materialetan, defentsan, Indiakoa bezalako akordio komertzialetan, I+G+b-an, sektore digitalean, enpresa- eta finantza-merkatuen estandarizazioan eta arintzean, eta Ukraina eta Groenlandia bezalako erronka geopolitikoetan
Ikus informazio osoa (Iturria: Europako Batzordearen prentsa-webgunea)
EIES - Europako informazioaren Euskal Sarea: Europako gaurkotasuneko beste edukietarako sarbidea