Tratamendu kimikoak murriztea, ingurumena zaintzea eta mahatsaren kalitateari eustea dira gaur egun Europako mahastizaintzaren ibilbide-orriak ezartzen dituen helburu nagusiak. Horiek lortzea erronka bihurtzen da mildiua edo oidioa bezalako gaixotasunak daudenean.
NEIKER zentro teknologikoak GRAPEBREED4IPM proiektu europarrean parte hartzen du ("Imahats-motak ekoiztea IPMrako, izurriteen kudeaketa integraturako" esan nahi du), nazioarteko 19 bazkiderekin eta elkartutako 2 bazkiderekin. Proiektu horrek gaixotasunekiko erresistenteak diren mahats-barietateak garatzea eta sustatzea du ardatz, eta horixe da Europako mahastizaintzaren erronketako bat. 5.000.000 euroko aurrekontua du, Europar Batasunak finantzatua, Horizon Europe programaren esparruan.
Zentroak OSCAR behatokian ere parte hartzen du, Europako hainbat ingurunetan mota erresistenteak dituzten ekoizpen-lursailak biltzen dituen sare batek osatua.
GRAPEBREED4IPMek Europako Itun Berdearen, 2030erako Biodibertsitatearen Estrategiaren eta "Baserritik Mahaira" ekimenaren helburuak lortzen laguntzen du. EBren ekintza-ildo horiek produktu kimiko gutxiago, bioaniztasun handiagoa eta praktika jasangarriagoak eta erresilienteagoak sustatzen dituzte izurriteen eta klima-aldaketen aurrean, baita ustiategietatik kontsumitzailearengana ahalik eta hurbilen ekoiztea ere.
Ikus informazio osoa (Iturria: Eusko Jaurlaritzaren Irekia webgunea)
EIES - Europako informazioaren Euskal Sarea: Europako gaurkotasuneko beste edukietarako sarbidea