Espainiako Gobernuko Nekazaritza, Arrantza eta Elikadura Ministerioak sektorearekin batera lan egingo du sektoreak, arrantzako erakunde ekoizleek eta Kantauriko erkidegoek, horien artean Euskadik, aurkeztutako antxoa-kupoen proposamenak maiatzean argitaratuko den ministro-agindu batean jasotzeko.
Euskal arrantzaleen proposamena, Eusko Jaurlaritzak lagunduta, gaur egun dagoen arrantza-tokiaren ordezko kudeaketa-sistema batean zentratzen da. Bertan, Ministerioak, ebazpen baten bidez, itsasontziko eguneroko harrapaketen topeak ezartzen ditu, eta Estatuari dagokion kuota europarra erakundeen artean birbanatzen duen sistema batera pasatzen da. Erakunde horiek berak antolatzen dira eta beren bazkideentzako arauak jartzen dituzte, horrela, Espainiako kuotaren ehunekoaren barruan itsasontziek egingo duten guztizko harrapaketa zein izango den jakiteak dakarren lasaitasunarekin.
Bestalde, Sailburu Barredok azaldu duenez, Bruselari jakinarazi diote kezkatuta daudela berdelaren kuota jaitsi delako. Kanpaina Kantauriko flotaren arrantza-aukerak % 22 murriztuta hasi da. Murrizketa Itsasoa Esploratzeko Nazioarteko Kontseiluak erabaki zuen, espezie horrek ipar-mendebaldeko Atlantikoko uretan duen bolumena aztertu ondoren.
Arrantzaleek Europa iparraldeko – Norvegia, Faroe Uharteak eta Islandia – ontzidiei leporatzen diete berdelari arrantza-ustiapen jasangaitza egiten diotela, eta, horren ondorioz, urtetik urtera Kantauri Itsasora iristen den espezie horren sarda-bolumena txikiagoa dela.
Sailburuak gogorarazi du Bruselak mugatu egiten dituela harrapaketak ekosistema kontserbatzeko eta sektorearen etorkizuna bermatzeko, baina EBri adierazi diote kezkatuta dagoela kuota murriztearekin, are gehiago euskal ontzi gehienek urte osoan bi arrantza-toki besterik ez dutenean: berdela eta hegaluzea.
Ikus informazio osoa (Iturria: Eusko Jaurlaritzaren Irekia webgunea)
EIES - Europako informazioaren Euskal Sarea: Europako gaurkotasuneko beste edukietarako sarbidea