Lehendakariak Europaren etorkizunari buruzko Konferentziarako Euskadiren dokumentuaren 7 dimentsioak aldarrikatu ditu Parisen, hala nola Europako Komunitate Politiko baten sorrera, EB indartzeko gobernantzaren berrikuspena, Tratatuak erreformatzeko Konbentzio bat, subsidiariotasuna, eta Euskadi bezalako erakundeen barneratzea.

Argitalpen-data: 

Lehendakariak Europa “indartsuago eta integratuago” bat defendatu du berriro ere, barne- eta kanpo-politikekin, eta esan du Europa “bizi dugun garai-aldaketa honetan eragile garrantzitsu gisa” konfiguratzeko bultzada berria emateko unea iritsi dela. Iñigo Urkulluk Jacques Délors institutuak antolatutako aditu-mahai batean parte hartu du. Mahai hori Parisen egin da, bertan Lehendakaria bidaia ofizialean dago, Eusko Jaurlaritzaren ordezkaritza baten buru.

Foro horretan, eta “Europako pentsamendu-zentro entzutetsuenetako batean” parte hartu izana eskertu ondoren, Lehendakariak Euskadi dokumentua aurkeztu du Europaren etorkizunari buruzko Konferentzian. Bertan, etorkizuneko erronkak, europar gisa eman beharko genituzkeen erantzunak eta Eusko Jaurlaritzak Europako etorkizuneko proiektuari egingo dion ekarpena jaso dira.

Azaldu duenez, Europa birsortzeko, inguruko herrialdeekiko harreman-eskema berri bat definitu behar da —Europako Komunitate Politiko bat sortzeko—, eta Batasuneko gobernantzaren berrikuspena ere egin behar da. Hala, subsidiariotasun-printzipioan oinarritutako Europa aldarrikatu du, bere adostasunak behetik gora eraikiko dituena eta Europako soziologia osatzen dugun herri, nazio, gizarte eta gobernuei espazioa emango diena.

Premisa horiek kontuan hartuta, Iñigo Urkulluren ustez Tratatuak Erreformatzeko Europako Konbentzioan irekiko den eztabaidan kontuan hartu behar diren oinarriak planteatu ditu, eta Euskadik horietako bakoitzean egin dituen ekarpenak xehatuz joan da: Europa soziala, Osasunaren Europako Batasuna, Europa lehiakorra, Europa ekonomikoa eta Europa politikoa, Europa geopolitikoa.

Lehendakariak eztabaida-mahai honetan amaitu du bere hitzaldia, Jean Monnet europar proiektuaren sortzaileetako baten ideia bat bere eginez. Proiektu horrek zioen: ez gara ari estatuen arteko koalizioak eratzen, herrien arteko batasuna baizik.

Gure herrien arteko Batasunean finkatutako Europaren alde lanean jarraituko dugu”- amaitu du.

Informazio gehiago