- Erabiltzen ez ziren bi presa ziren: arrain-fauna igarotzea eragozten zutenak, eta ibilgua eta ibaiertzak artifizializatzen zituztenak.
- Baterako inbertsioa 35.000 €koa (+ BEZa) izan da
Uraren Euskal Agentziak, Eusko Jaurlaritzaren erakunde publikoak, bi presa txiki bota ditu Nerbioi ibaian, Urduña parean. Bi presak ez ziren jada erabiltzen, ez zuten emakidarik indarrean, arrain-faunak Nerbioi ibaian aske ibiltzea eragozten zuten, ibai-tarteko berezko dinamika aldatzen zuten, eta ez zuten bide-zatiaren egoera ekologikoa hobetzen laguntzen.
Jarduketa honetan, ubidera heltzeko atagia edo sarbide txikiak sortu dira: hondeamakina txiki bat hurbil zedin, presa zaharren erdiko zatia txikitu ahal izateko, eta hormigoi-hondarrak kentzeko ibilguaren ohantze naturalarekin bat egiten duen puntura arte.
Proiektu honek Eskualde Garapenerako Europako Funtsaren (EGEF-FEDER) finantziazioa jasotzen du.
Oharra: URAk bi presa txiki eraitsi ditu Nerbioi ibaian, Urduñatik igarotzean (DOCX, 119 KB)