Europako Batzordeak interes-adierazpenetarako deialdi bat jarri du abian, eskualdeen arteko berrikuntza-proiektuak gidatuko dituzten elkarte tematikoak ezartzeko, koronabirusak eragindako pandemiaren ondoren erantzuna eta susperraldia babesteko. Deialdiaren helburua da eskualdeei laguntzea krisialditik sortzen diren aukerak aprobetxatzen, erresilientzia indartzen eta eraldaketa digitala eta ekologikoa garatzen, sektore kaltetuenak berreskuratzeko, hala nola osasuna eta turismoa.
Deialdi honen esparruan, Europako Batzordeak interes-adierazpenak bilatzen ditu eskualdeetako agintarien nazioz gaindiko elkarteen eta beste alderdi interesdun batzuen artean (unibertsitateak, ikerketa-zentroak, klusterrak eta ETEak, esaterako), baldin eta prest badaude berrikuntzaren arloko eskualdeen arteko proiektuak merkaturatzen eta hedatzen laguntzeko eta enpresa-inbertsioa sustatzeko.
