Batzordeak hiriko hondakin-uren tratamenduari buruzko Zuzentarauaren (TARU zuzentaraua) betearazpen-egoerari buruzko hamargarren txostena argitaratu du. Horren arabera, Europako hiri eta udalerrietako hondakin-uren bilketa eta tratamendua modu globalean hobetu da, nahiz eta lortutako emaitzak desberdinak izan estatu kideen artean. Batzordeak zero kutsaduraren helburuaren alde egiten duen lanaren barruan kokatzen da txostena, eta datozen asteetan substantzia kimikoen arloan hartuko den estrategiaren preludioa da.
Hiriko hondakin-uren tratamenduari buruzko Zuzentarauaren (TARU Zuzentaraua) betearazpen-egoerari buruzko hamargarren txostenak erakusten duenez, hondakin-uren bilketari eta tratamenduari buruzko EBren araudiaren betetze-indizeak handiak dira eta areagotu egin dira aurreko erreferentzia-aldiarekin alderatuta. Horrek ingurumenaren kutsadura prebenitzen laguntzen du. Joerak positiboa izaten jarraitzen badu ere, oraindik ez da lortu Zuzentaraua erabat betetzea. Finantzaketa eta plangintza dira, oraindik ere, ur-zerbitzuen sektoreak dituen erronka nagusiak.
