Europako Batzordeak eta atzerri- eta segurtasun-politika erkideko goi-ordezkariak asmo handiko planak aurkeztu dituzte Europar Batasuneko kanpo-ekintza osoan genero-berdintasuna eta emakumeen ahalduntzea sustatzeko.
Emakumeen eta nesken eskubideen sustapenean aurrerapen garrantzitsu batzuk erregistratu diren arren, munduko herrialde bakar bat ere ez dago genero berdintasuna lortzeko eta emakume eta neska guztiak ahalduntzeko bidean hemendik 2030era bitartean. Gainera, COVID-19ren krisiaren ondorio sanitarioek eta sozioekonomikoek neurriz kanpo eragiten diete emakumeei eta neskei. Adibidez, ezkutuko ekonomian eta sektore ahuletan lan egiten duten emakumeen ehunekoa handiagoa denez, enplegu-galeraren tasa gizonena baino 1,8 aldiz handiagoa da. Emakumeen pobrezia tasa % 9,1 igo daiteke.
