Europako Batzordeak deialdi bat egitea erabaki du, 1.000 milioi euroko aurrekontuarekin, krisi klimatikoari erantzun eta Europako ekosistema eta biodibertsitate bakarrak babesten lagunduko duten ikerketa- eta berrikuntza-proiektuetarako. Horizonte 2020ren esparruan finantzatutako Europako Itun Berdearen Deialdiak, hautagaitzak aurkezteko epea hastekoa duenak, Europa koronabirusaren krisialditik berreskuratzea bultzatuko du, erronka ekologikoak berrikuntza-aukera bihurtuz.
Itun Berdearen deialdi hau desberdina da Horizonte 2020ren aurreko deialdietako alderdi garrantzitsuetan. Erronka horiek premiazkoak direnez, haren helburua da epe labur eta ertainean emaitza argiak eta hautemangarriak lortzea, baina epe luzerako aldaketa-ikuspegiarekin. Ekintza gutxiago daude, baina espezifikoagoak, zabalagoak eta ikusgarriagoak, eskalagarritasunean, hedapenean eta adopzio azkarrean zentratuta.
