Europako Batzordeak Europar Batasunaren merkataritza-politikaren berrikuspen garrantzitsu bat hasi du gaur, Europako Parlamentuari, estatu kideei, alderdi interesdunei eta gizarte zibilari informazioa eskatzeko kontsulta publiko bat barne. Batzordearen helburua da Batasunaren merkataritza-politikarako epe ertainerako orientazio berri baten inguruko adostasuna sortzea, munduko erronka berriei erantzuteko eta koronabirusaren krisian ikasitako ikasgaiak kontuan hartzeko.
Europar Batasun indartsu batek merkataritza- eta inbertsio-politika sendoa behar du susperraldi ekonomikoari laguntzeko, kalitatezko enpleguak sortzeko, Europako enpresak Batasunean eta atzerrian jardunbide desleialetatik babesteko, eta lehentasun zabalagoekiko koherentzia bermatzeko jasangarritasunaren, klima-aldaketaren, ekonomia digitalaren eta segurtasunaren arloetan.
