Europako Batzordeak kontratu bat sinatu du Gilead enpresa farmazeutikoarekin Vekluryren tratamendu-dosia bermatzeko. Veklury izan zen EBn COVID-19 tratatzeko baimendutako lehen sendagaia. Abuztuaren hasieratik aurrera, estatu kideen eta Erresuma Batuaren esku jarriko dira Veklury sortak, Batzordearen koordinazioarekin eta laguntzarekin, berehalako beharrei erantzuteko.
Batzordearen Presako Laguntza Tresnak kontratua finantzatuko du, 63 milioi euro guztira. Horrela, COVID-19 sintoma larriak dituzten 30.000 pazienteren tratamendua bermatuko da. Horrek datozen hilabeteetako egungo beharrak asetzen lagunduko du, eta, aldi berean, EB mailan bidezko banaketa bermatuko du, banaketa-gako batean oinarrituta, Gaixotasunak Prebenitzeko eta Kontrolatzeko Europako Zentroaren aholkularitzarekin.
