Emakundek "gizonak eta aukera-berdintasuna" izeneko nazioarteko 5. konferentzian parte hartu zuen. Estoniako Gobernuak antolatu zuen, irailaren 3an eta 4an, Ministro Nordikoen Kontseiluarekin eta Genero Berdintasunerako Europako Institutuarekin (EIGE) lankidetzan. Hitzaldia Tallinen egin zen, baina funtsean formatu birtualarekin, eta 30 herrialdetako 100 pertsonak baino gehiagok parte hartu zuten.
Gizonak berdintasunaren alde inplikatzeko Emakunde 2007tik Gizonduz programaren esparruan egiten ari den lana nazioartean esparru horretan dagoen jardunbide egokietako bat bezala aurkeztu zen.
Hitzaldian, gai hauek jorratu ziren: gizonek nork bere burua zaintzeko eta gainerako pertsonak eta ingurumena zaintzeko duten erantzukizuna, eta gizonek duten rola generoan oinarritutako indarkeriari eta gorroto-diskurtsoei eta mugimendu antifeministei aurrea hartzeko eta erantzuteko, bai eta berdintasuna hainbat eremutatik sustatzeko duten eginkizuna ere.
