Euskal ikastetxeek eTwinning programan garatutako 15 proiektuk 2019ko Europako Kalitate Zigiluak eskuratu dituzte
Argitalpen-data:
- eTwinning programa europarrean parte hartzen duten ikasleek proiektu bat garatzen dute beste herrialde batzuetako ikasleekin lankidetzan, IKTak erabiliz
- Zigilu honek eTwinning sarien Europako deialdian parte hartzeko aukera ematen die saritutako irakasleei
Joan zen 2019-2020 ikasturtean eta eTwinning programa europarraren baitan garatutako 15 proiektuk Europako Kalitate Zigiluak eskuratu dituzte, irakasleek egindako lanaren eta ahaleginaren aitortzan. Iazko ikasturtean, programan parte hartzen duten euskal ikastetxeek 279 proiektu garatu zituzten, eta horien artean daude orain aitortza jaso dutenak. Zigilu honek, eTwinning sarien Europako deialdian parte hartzeko aukera ematen die saritutako irakasleei.
Hezkuntza Sailak eTwinning bezalako programa europarrak bultzatzen ditu, ikasleei aukera ematen baitie Europako hezkuntza komunitateko kide sentitzeko, europar herritartasuna eta dimentsioa ere garatuz. Gainera, teknologia berriei eta atzerriko hizkuntzei lotutako trebetasunak ere praktikatzen dituzte.
Europako Kalitate Zigilua jaso dute, honako proiektuak bultzatu dituzten irakasleek:
Ikastetxea / Centro |
Proiektua - Proyecto |
Presentación de María |
Little geniuses are coding |
IES Antonio Trueba |
Eti II, the sequel |
IES Antonio Trueba |
LA OTRA CARA DEL ARTE. Luces y sombras en el Siglo de Oro |
IES CRUCES BHI |
Time to Escape! |
San Felix Ikastola |
Our imaginary school |
IES Miguel de Unamuno BHI |
Olim omnes Romani eramus |
IES Urbi BHI |
Olim omnes Romani eramus |
IES Urbi BHI |
B.I.S. Beauty Is Subjective |
IES Urbi BHI |
Zu eta ni, lanean elkarrekin! (¡Tú y yo, trabajando juntos!) |
IES Urbi BHI |
Interroga Mulieres / Ask Women |
Colegio Sagrado Corazón Mundaiz |
L'énigme de Barandiaran |
CEIP Zuhaizti HLHI |
Ciudadan@ Digital 5.0 |
CEIP Berriatua HLHI |
Healthy And Happy |
CEIP Berango Merana |
English with friends is...FUN!! |
IES Miguel de Unamuno BHI |
Olim omnes Romani eramus |
IES Urbi BHI |
B.I.S. Beauty Is Subjective |
IES Urbi BHI |
Olim omnes Romani eramus |
IES Urbi BHI |
Interroga Mulieres / Ask Women |
eTwinning, ikastetxeen Europako komunitatea
IKT tresnei esker (Informazioaren eta Komunikazioaren Teknologiak), eTwinning programak taldean lan egiteko aukera ematen die geografikoki elkarrengandik urrun bizi diren ikasleei. Europako herrialde desberdinetako ikasleak lankidetzan aritzen dira proiektu berean, hasi eta amaitu arte, programa honi esker.
eTwinning Erasmus+ programan sartzen da, eta helburutzat du bertan parte hartzen duten Europako herrialde desberdinetako ikasleen eta irakasleen arteko harremana, ideien trukea eta lankidetza bultzatu eta erraztea, IKTen bitartez. Horretarako, programak ikastetxe parte-hartzaileen eskura jartzen du beharrezko online plataforma teknologikoa (www.etwinning.net) baliabideez hornituta egon daitezen ikasteko, komunikatzeko, elkarlanean aritzeko eta beren proiektua garatzeko.
eTwinning 2005ean sortu zen eta Europako Batzordeko eLearning ikasketa-programaren ekimen garrantzitsuena izan da. 2014az geroztik Erasmus+en parte da; Europar Batasuneko programa hezkuntzaren, prestakuntzaren, gazteriaren eta kirolaren arloetan.
Proiektu berean batera lan eginez –betiere irakasle arduradunak gainbegiratuta– ikasle parte-hartzaileek zabaldu egiten dituzte beren aukerak beste herrialde batzuetako ondare kulturala eta artistikoa ezagutzean, baina baita beren inguruneko ezagutza zientifikoaren bitartez ere. Gainera, adostu duten hizkuntzan aritzen dira elkarrekintzan (ohi denez ingelesez) eta lotura eta harreman konstruktiboak ezartzen dituzte ingurunearekin eta milaka kilometrotara bizi diren beste ikasle batzuekin. Ekimen honek, gainera, sustatu egiten du ikasleen arteko talde-lana, taldean planteatzen baitira erronkak eta soluzioen bilaketa. Eta ibilbide horretan, ikasleek ikasi egiten dute formatu digitaletan edukiak bilatzen, interpretatzen eta ekoizten. Hala, guztien ekarpenekin eta irakasteko eta ikasteko prozesuan disfrutatuz lantzen da eskuartean duten proiektua, eta ikasleei ematen zaie protagonismoa.
Autonomia Erkidego bakoitzak bere eTwinning enbaxadoreak ditu. Programan esperientzia duten irakasleak dira, eta beste irakasle batzuei lagundu eta aholkuak ematen dizkiete gai teknikoetan nahiz pedagogikoetan. Euskadin 13 eTwinning enbaxadore ditugu, ikastetxeetako irakasle nahiz Berritzeguneetako aholkulariak.