[1] - 5. Gizarte-berrikuntza bultzatzea, Basque Social Innovation delakoaren bidez

Proiektuaren helburu orokorrak:

• Euskadin gizarte-berrikuntza bultzatzea, estrategiak diseinatuz Euskadiko (BSI) eta munduko (SIX) eragile esanguratsuekin lankidetzan.

Proiektuaren helburu operatiboak:

• BSIren batzarretara joatea, Euskadiren berrikuntza sozialerako estrategia nagusiak identifikatzea sustatuz, sareko lantaldeak sortzen lagunduz eta berrikuntza sozialerako ekimen publikoak eta pribatuak bultzatuz.

Berrikuntza Publikoaren Plana 2014-2016.

Gizarte-berrikuntzak hainbat ekimen biltzen ditu; batetik, merkatuak edo sektore publikoak behar bezala estaltzen ez dituen gizarte-beharrak asetzeko modu berriak esperimentatzera bideratutakoak, eta, bestetik, gizartearen erronka handiak konpontzeko beharrezkoak diren jokabide-aldaketak sortzera bideratutakoak. Gizarte-berrikuntzaren barruan, berrikuntza publikoa zera da: ideia berri bat sortzea eta gizartearentzako balio bihurtzea (balio publiko).

Gizarte-berrikuntzan mundu-mailako erreferentzia-sarea den SIX-Social Innovation Exchange-ko batzorde betearazlearen kide den Basque Social Innovation delakoaren kide aktibo izan nahi da, Euskadin gizarte-berrikuntzarako estrategiak diseinatu ahal izateko, mota horretako interesa eta ekimenak dituzten eragileekin lankidetzan eta modu irekian, gizarte-berrikuntzaren erreferentzia izan gaitezen Europan.

Gidaritza politikoa:

• Lehendakaritza

Bultzada operatiboa:

• HHABHZ

Parte-hartzaileak:

• EAEko Administrazio Orokorra
• EAEko beste administrazioak
• Innobasque
• Gizarte zibileko eragileak