36 ekonomia zirkularra frogatzeko proiektuak Euskadin: enpresen ekimenek izandako emaitzak

Hemen aurkezten dugun azken hiru urteotako lana testuinguruan kokatzeko, beharrezkoa da zifra batzuk berrikustea. Egun, urtean 5,5 miloi tona hondakin sortzen dira Euskadin, gehienak industriatik datoz eta % 48ko birziklapen- eta balorizazioindizea dute. Zifra horiek, berez, informazio garrantzitsua ezkutatzen dute. Egun hondakindegira bidaltzen diren materialek urtean 44 miloi euro baino gehiagoko balioa dute. Baliabide horiek aprobetxatzeko, konponbide berritzaileak garatu beharko dira. Horiek, era berean, gure enpresei egun urtean % 11ko hazkuntza-tasa duen birziklapen-merkatu globalera sartzeko aukera emango diete.